उपसभामुख माग्न संसदमा कमण्डलु लिएर आएका छैनौं प्रष्ट होस्ः मिनेन्द्र रिजाल
काठमाडौं । नेपाली कांग्रेसले आफ्नो तर्फबाट उपसभामुख पद नमागिएको बताएको छ । आइतवारको प्रतिनिधिसभा बैठकमा कांग्रेस नेता डा. मिनेन्द्र रिजवालले कसैसँग उपसभामुख पद नमागेको बताएका हुन् ।
रिजालले उपसभामुख पद माग्न नेपाली कांग्रेस संसदमा कमाण्डलु लिएर नआउने बताए । कांग्रेसले सभामुखमा उमेदवारी नदिएको विषयमा प्रष्टीकरण दिँदै उनले भने, “कांग्रेस कमण्डलु लिएर उपसभामुख माग्न संसदमा उपस्थित छैन । कमण्डलु लिएर आएका छैनौं प्रष्ट होस् ।”
सभामुख निर्वाचित गर्न नेकपासँग एथेष्ट मत रहेको र सभामुख पद नै तटस्थ हुनुपर्छ भनेर कांग्रेसले उम्मेदवारी नदिएको उनले बताए । रिजालले सापकोटाले आफूलाई सभामुख पदमा अब्बल सावित गर्नुपर्ने चुनौती रहेको बताए ।