मनाङेविरुद्ध उजुरी दिने एन्फाका कास्की अध्यक्ष मिलन गुरुङ पक्राउ
पोखरा । गण्डकी प्रदेशका प्रदेशसभा सदस्य मिलन गुरुङ (दीपक मनाङे)विरुद्ध उजुरी दिने अखिल नेपाल फुटबल संघ (एन्फा) कास्कीका अध्यक्ष मिलन गुरुङ पनि पक्राउ परेका छन् ।
बैंकिङ कसुरमा अनुसन्धानका लागि अदालतको अनुमति पाएपछि उनलाई पक्राउ गरिएको कास्कीका प्रहरी प्रमुख दानबहादुर कार्कीले जानकारी दिएका छन् । गुरुङविरुद्ध बैंकिङ कसुर, ठगीलगायतको आरोपमा जिल्ला अदालत कास्कीले गुरुङलाई पक्राउ गर्न प्रहरीलाई अनुमति दिएको हो ।
मंगलबार पोखरामा मुख्यमन्त्री कप फुटबल समारोहमा मिलनमाथि कुटपिट गरेको आरोपमा मनाङे बिहीबार पक्राउ परेका थिए । मनाङे प्रहरी अनुसन्धानमै रहेका बेला गुरुङसमेत पक्राउ परेका हुन् ।