सिन्धुपाल्चोकको बाह्रबिसेमा निषेधाज्ञा जारी



काठमाडौं । जिल्ला प्रशासन कार्यालय सिन्धुपाल्चोकले बाह्रबिसे क्षेत्रमा निषेधाज्ञा जारी गरेको छ । बजार क्षेत्र अतिक्रमण गरी बनाइएका टहरा भत्काइएको विरोधमा स्थानीयबासी तोडफोडमा उत्रिएपछि प्रशासनले निषेधाज्ञा जारी गरेको हो ।

आइतबार बिहान ८ बजेदेखि साँझ ५ बजेसम्म निषेधाज्ञा जारी गरिएको जिल्ला प्रशासन कार्यालयले जनाएको छ । आदेश अनुसार बाह्रबिसे बजारबाट तीन सय मिटर पूर्वसम्म, पश्चिममा भोटेकोशी खोलाको पुलसम्म र उत्तरको इलाका प्रहरी कार्यालय बाह्रबिसेसम्म निषेधाज्ञा जारी गरिएको छ । यस्तै, दक्षिणतर्फ पिस्कर क्षमादेवी जाने बाटोको सुनकोशी चोकसम्म निषेधाज्ञा जारी गरिएको हो ।

प्रमुख जिल्ला अधिकारी गोमादेवी चेम्जोङले शान्ति सुरक्षामा चुनौती सिर्जना भएपछि निषेधाज्ञा जारी भएको जानकारी दिएकी छन् । बाह्रबिसे नगरपालिकाले शुक्रबार अतिक्रमित क्षेत्रबाट टहरा भत्काएको थियो । त्यसको विरोधमा स्थानीयबासीले प्रदर्शन गरिरहेका छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
४५ लाखको चेक र चार लाख घुससहित दुई कृषि प्राविधिक अख्तियारको नियन्त्रणमा

काठमाडौँ । अख्तियार दुरुपयोग अनुसन्धान आयोगको टोलीले ५४ लाख भन्दाबढी नगद र चेकसहित

बर्दियामा हात्तीको आक्रमणबाट एकको मृत्यु, एक घाइते

गुलरिया (बर्दिया) । बर्दियामा हात्तीको आक्रमणमा परी सोमबार एकको मृत्यु भएको छ भने

कालिकोटमा चट्याङ लागेर १४ भेडा मरे

मान्म (कालीकोट) । कालीकोटमा चट्याङ लागेर १४ भेडा मरेका छन् । जिल्लाको खाँडाचक्र

कालीकोटमा ट्याक्टर दुर्घटना हुँदा चालकको मृत्यु, दुई घाइते

मान्म (कालीकोट) । कालीकोटको रास्कोट नगरपालिका–५ आरसिपी बजार नजिकै ट्याक्टर दुर्घटना हुँदा चालकको