भैरहवाको विशेष आर्थिक क्षेत्रमा देखिएका समस्या समाधानका लागि तयार छुः उद्योगमन्त्री भट्ट
काठमाडौं । उद्योग, वाणिज्य तथा आपूर्ति मन्त्री लेखराज भट्टले भैरहवाको विशेष आर्थिक क्षेत्र (सेज)मा देखिएका समस्याको समाधानका लागि आफू तयार रहेको बताएका छन् ।
‘नेपालमा सेजको पुर्वाधारको अवस्था’को विषयमा बिहीबार काठमाडौंमा आयोजित नीतिगत समस्या समाधानका लागि समय लाग्ने भएपनि अन्य समस्या समाधानका लागि आफूसहितको टोली अनुगमनमा गई तत्काल निर्णय गर्ने बताएका हुन् ।
मन्त्री भट्टले आफूसहितको टिमले अनुगमन गरी उद्योगीहरु सेजमा आकर्षित हुन नसक्नुको कारण सम्बन्धमा अध्ययन गरी तत्काल समस्या समाधान गरिने बताए ।
कार्यक्रममा अर्थविद् डा. शंकर शर्माले भैरहवा सेजमा विद्युत आपूर्ति लगायत विभिन्न पूर्वाधारको समस्या रहेकाले उद्योगीहरु आकर्षित हुन नसकेको बताए । उहाँले विद्युत प्राधिकरणले ५ मेगावाट विद्युत तत्काल उपलब्ध गराउने भएपनि सेज भित्रकै व्यवस्थापनका कारण विद्युतको समस्या देखिएको बताए ।
नेपाल विद्युत प्राधिकरणका उपमहानिर्देशक हरराज न्यौपानेले भैरहवा सेजको विद्युत आपूर्तिमा ५ मेगावाटसम्म अहिलेकै सिस्टमबाट विद्युत आपूर्ति गर्न सक्ने भएकाले विद्युतको समस्या आफूले बुझ्न नसकेको बताए ।
