वर्षा कारण देशभर चिसो,सर्वसाधारण प्रभावित
काठमाडौं । वर्षा कारण राजधानी सहित देशभर चिसो बढेको छ । चिसो बढेपछि राजधानीका बिभिन्न स्थानमा मानिसहरु आगो र हिटर तापेर बसेका छन् ।
शुक्रबार काठमाडौं उपत्यका नजिकका अग्ला डाँडाहरुमा हिउँ परेपछि चिसो झन् बढेको महसुस भएको छ । काठमाडौंमा घाम लागेको छैन । हिमपात र पानीले बालीनालीलाई फाइदा हुने भए पनि दैनिक कामकाज नै प्रभावित हुँदा मानिसहरु समस्यामा परेका छन् । त्यस्तै विद्यार्थीहरु लगायत सर्वसधारन बाटोमा आच्छुछु…..जाडो भन्दै हिडिएको देखिएका छन् ।
चिसोबाट बालबालिका, जेष्ठ नागरिक र बिरामीहरु प्रभावित भएको राजधानीमा बस्दै आएको तेम्बा थामीले बताए । धेरैजसो घरबाहिर निस्किन सकेका छैनन् । घरमै रहेकाहरु एसी, हिटर वा कोइलाको सहयोगमा कोठा न्यानो बनाएर बसेका उनले बताएको छ । जरुरी काम परेर घरबाहिर निस्किएकाहरु चिया पसलमा आगो तापेको भेटिएका छन् ।
तस्विर : शिब शंकर चौधरी
