सिद्धबाबालाई तीन लाख धरौटीमा रिहा गर्न अदालतको आदेश
सुनसरी । बलात्कार आरोपमा पक्राउ परेका कृष्णबहादुर गिरी ’सिद्धबाबा’ लाई तीन लाख धरौटीमा रिहा गर्न अदालतले आदेश दिएको छ ।
सोमबार जिल्ला अदालतलमा भएको थुनछेक बहसपछि न्यायाधीश राधाकृष्ण उप्रेतीको इजलासले गिरीलाई तीन लाख धरौटीमा रिहा गर्न आदेश दिएको हो ।
आइतबारदेखि चलेको थुनछेक बहसमा बादीकातर्फबाट ८ जना र प्रतिवादीको तर्फबाट ६ जना अधिवक्ताले बहस गरेका थिए । कृष्णदास पक्षका ५ जना अधिवक्ता मध्ये २ जनाले आइतवार बहस गरेका थिए ।
उनीहरुले कृष्णदासलाई फसाउने षड्यन्त्र भएको भन्दै कृष्णदासको बचाऊ गरेका थिए । कृष्णदासकोतर्फबाट सोमबार बाँकी २ जना अधिवक्ताले बहस गरेपछि अदालतबाट यस्तो आदेश आएको हो ।
