यसरी उठ्दैछ धरहरा
काठमाडौं । भूकम्पले क्षतिग्रस्त बनेको धरहरा निर्माणले तीव्रता पाएको छ । धरहराको अहिले जमिनमुनिको २ वटा बेस र माथिको तीन तलाको काम सकिएको छ भने अहिले चौथो तलाको काम भइरहेको छ ।
एक महिनामा दुई तलाको काम सम्पन्न गर्नेगरी काम भइरहेको छ । उनले १५ दिनमा एक तला ढलान गर्दा तल्लो तलाको ढलानको बेस ननिकाल्ने भएकाले धरहरा निर्माणमा गुणस्तरमा कुनै कमी नहुने रमण कन्ष्ट्रक्सनका कार्यकारी निर्देशक रमण महतोले जानकारी दिएका छन् ।
उनका अनुसार धरहराको भैतिक रुपमा ३३ प्रतिशत र वित्तीय रुपमा २२ प्रतिशत काम सम्पन्न भएको छ । ४२ रोपनी क्षेत्रफलमा निर्माण भइरहेको धरहरा बाहिरबाट हेर्दा ११ तलाको हुनेभएपनि भित्र २२ तलाको हुने र ७२ मिटर उचाइको हुने छ । धरहरामा बगैंचा, संग्रहालय, रंगीन जलफोहरा, प्रदर्शनी हल तथा पार्किङस्थल समेत रहनेछन् ।
