समाजवादी पार्टीद्वारा सरकारलाई दिएको समर्थन फिर्ता



काठमाडौं । समाजवादी पार्टी नेपालले सरकारलाई दिएको समर्थन फिर्ता लिएको छ । मंगलबार सरकारबाट फिर्ता भएको समाजवादी पार्टीले बुधबार सरकारलाई दिएको समर्थन फिर्ता लिने निर्णय गरेको हो ।

संविधान संशोधनका लागि सरकार तयार नभएपछि समर्थन फिर्ता लिएको पार्टी अध्यक्ष उपेन्द्र यादवले जानकारी दिए । प्रधानमन्त्री स्वयम् आफूले गरेको सहमतिबाट एकलौटी रुपमा पछि हटेपछि सरकारमा बस्नु औचित्य सकिएको उनले बताए ।

‘सरकारमा सहभागी हुँदा संविधान संशोधन गर्ने गरि विभिन्न आन्दोलनमा उठेका मुद्धाहरु, राष्ट्रिय सवालहरुलाई हल गर्दै संविधानमा भएको कमी कमजोरी हटाउने भन्ने स्पष्ट सहमति भएको थियो । हामीले पटक पटक भन्यौँ । पार्टीको प्रतिनिधिमण्डल नै बनाएर प्रधानमन्त्रीलाई संविधान संशोधनका लागि स्मरण गरायौँ’, यादवले भने, ‘संविधान संशोधनका लागि भएको सहमति त कार्यान्वयन भएन उल्टो नीति निर्माण, बजेट निर्माण, कानुन बनाउँदा कुनै सहकार्य भएन् । सहकार्यको संस्कृति लत्याएर एकलौटी निर्णय गर्दै गर्दै जाुनभयो ।’’

अध्यक्ष यादवले मन्त्रिपरिषदमा संविधान संशोधनको प्रस्ताव नभएर आफूले संविधानमा भएको त्रृटिहरु केलाएर संशोधन गर्न संविधानविदहरुको विज्ञ टोली बनाएर अध्ययन छलफल गर्ने प्रस्तावलाई प्रधानमन्त्रीले ठाडै अस्वीकार गरेपछि सरकार छाडेको बताए ।

उनले सरकारलाई दिएको समर्थन फिर्ता लिएर अब प्रतिपक्षमा बसी प्रतिपक्षीको भूमिका निर्वाह गर्ने निर्णय पार्टीले गरेको बताए ।
तराई मधेशका जिल्लाहरुमा तीव्र दमन भएरहेका बेला संविधानको घोषणा गरिएको स्मरण गर्दै उनले तराई मधेशमा संविधान दिवसको दिन ब्ल्याक आउट हुनुको कारण संविधानका कतिपय धाराहरु अस्वीकार्य रहेको बताए ।

राष्ट्रिय जनतापार्टीसँग एकीकरणका लागि धेरै हदसम्म कुरा भएको केही प्राविधिक कुराहरु बाँकी रहेको उनले बताए । राजपाले एकताका लागि राख्दै आएको मुख्य शर्त पुरा भएको अब राजपा कसरी अगाडी बढ्छ भन्नेमा एकताको खाका कोरिने उनले बताए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
निजगढ विमानस्थल बनाउन नदिने सर्वोच्चको फैसलाले विकासमा दूरगामी असर पर्छ

काठमाडौं । जनता समाजवादी पार्टी नेपालका संघीय परिषद अध्यक्ष डा. बाबुराम भट्टराईले निजगढ

बालेनले काठमाडौंको फोहोरको दीर्घकालीन समाधान नभएसम्म जितको उत्सव नमनाउने

काठमाडौं । काठमाडौं महानगरपालिकाका नवनिर्वाचित मेयर बालेन साहले सिसडोल र बञ्चरेडाँडा अवलोकन गरेका

गणतन्त्र दिवसमा ८३४ कैदीबन्दीको सजाय माफी मिनाहा

काठमाडौं । सरकारले गणतन्त्र दिवसका अवसरमा ८ सय ३४ जना कैदीबन्दीको माफी मिनाहा

सडक निर्माणमा भ्रष्टाचार गरेको अभियोगमा मुद्दा दायर

काठमाडौं । अख्तियार दुरुपयोग अनुसन्धान आयोगले कैलालीको गोदावरी नगरपालिकामा विभिन्न १३ वटा सडक