महराले दिएको पुनरावेदनको निवेदन उच्च अदालतमा आज सुनुवाई हुँदै
काठमाडौँ । आफूलाई पुर्पक्षका लागि जेल पठाउने जिल्ला अदालत काठमाडौंको निर्णयविरूद्ध पूर्वसभामुख कृष्णबहादुर महराले दिएको पुनरावेदनको आज सुनुवाइ हुँदैछ ।
आफूलाई थुन्नु गलत भएको दाबी गर्दै महराले दिएको निवेदनमाथि उच्च अदालत पाटनका न्यायाधीश नहकुल सुवेदी र टेकनारायण कुँवरको इजलासमा सुनुवाइ हुन लागेको हो । उच्च अदालत पवाटनको आदेशमा महरालाई किन पुर्पक्ष थुनामा पठाइएको थियो भन्नेबारे आधार र कारण खुलाएर जिल्ला अदालतले ’कैफियत प्रतिवेदन’ उच्च अदालत पाटनमा पठाइसकेको छ ।
पाटनले जिल्लाको आदेश सदर गरे महरा थुनामै रहनुपर्ने हुन्छ । उच्च अदालत पाटनले जिल्लाको आदेश उल्ट्याए महरा रिहा हुन्छ वा धरौटीमा छुट्छन् । त्यो आदेशविरुद्ध सरकारी वकिल सर्वोच्च जाने बाटो भने खुला रहने छ ।
