को आउला अब नेपालका लागि भारतीय राजदूत ?
काठमाडौं । नेपालका लागि भारतीय राजदूत मञ्जीव सिंह पुरीले तीनवर्षे कार्यकाल पूरा गरेका छन् । मंगलबार काठमाडौंस्थित भारतीय दूतावासले उनको बिदाइ कार्यक्रम आयोजना गरेको छ । यसअघि आइतबार उनले परराष्ट्रमन्त्री प्रदीप ज्ञवालीसँग बिदाइ भेट गरिसकेका छन् ।
पुरीको कार्यकाल यही डिसेम्बर ३१ बाट सकिँदैछ । उनी सन् २०१७ को मार्च २५ मा नेपाल आएका थिए । राजदूत पुरीको कार्यकालमा खासै विवादमा नआए पनि पछिल्लो पटक उत्पन्न सीमा विवादको बारेमा भने ठोस निस्कर्ष निस्कन सकेको छैन ।
नेपालले भारतलाई वार्ताका लागि प्रस्ताव गरेको भए पनि वार्ता हुन सकेको छैन । अब भारतले नेपालका लागि नयाँ राजदूत पठाउने छ । तर, कसलाई राजदूत नियुक्त गर्छ भन्ने अहिलेसम्म यकिन भइसकेको छैन ।