मेडिकल कलेजको शुल्कका विषयमा छानविन गर्न कार्यदल गठन
काठमाडौं । सरकार र मेडिकल कलेज सञ्चालकहरुसँग भएको सहमति अनुसार शुल्कका विषयमा छानबिन गर्न पाँच सदस्यीय कार्यदल गठन भएको छ ।
चिकित्सा शिक्षा आयोगको योजना, समन्वय तथा प्राज्ञिक उन्नयन निर्देशनालयका निर्देशकको संयोजकत्वमा पाँच सदस्यीय कार्यदल गठन भएको हो । शुल्कका विषयमा सरकार र मेडिकल कलेज सञ्चालकबीच मंसिर १० गते बैठक बसेर २ बुँदे निर्णय भएको थियो।
उक्त निर्णय अनुसार शुल्कका विषयमा आयोगले आवश्यक कार्य समेत अगाडि बढाइसकेको आयोगद्वारा बिहिबार जारी प्रेस विज्ञप्तिमा उल्लेख छ। आयोगले १० गतेको सहमति अनुसार कार्यदल गठन गरे पनि विद्यार्थीहरुले भने उक्त सहमति मान्य नभएको भन्दै आन्दोलन चर्काइरहेका छन्।
उनीहरुले त्रिवि चिकित्सा शास्त्र अध्ययन संस्थानले लिएको एमबिबिएस, बिडिएस, नर्सिङ सहित ८ वटा संकायको पहिलो वर्षको परीक्षा समेत बहिष्कार गरिरहेका छन् ।
