धरानको मेयरमा कांग्रेसका तिलक राई निर्वाचित
धरान । धरान उपमहानगरपालिकाको मेयरमा नेपाली कांग्रेसका तिलक राई निर्वाचित भएका छन् । नेपाल कम्युनिस्ट पार्टी (नेकपा)का प्रकाश राईलाई २ हजार ७९५ मतान्तरले पराजित गर्दै राई मेयरमा निर्वाचित भएका हुन् । तिलक राईले २६ हजार ७०९ मत पाएका छन् भने प्रकाशले २३ हजार ९१४ मत पाएका छन् ।
२०७४ को स्थानीय निर्वाचनमा तारा सुब्बा तत्कालीन एमालेको तर्फबाट मेयरमा निर्वाचित भएका थिए । उनको निधन भएपछि रिक्त मेयर पदका लागि शनिबार त्यहाँ उपनिर्वाचन भएको थियो ।