देश बचाउन सेना गुहार्दै स्वतन्त्र नागरिक समाज



काठमाडौं । हिन्दू राष्ट्र र राजसंस्था पुनस्र्थापनाका माग राखी राजधानीको रत्नपार्कमा मंसिर १ देखि ४ सम्म ७२ घण्टे सत्याग्रह पुरा गरेका स्वतन्त्र नागरिक समाजका संयोजक हेमबिक्रम सिलवालले अब देशको बागडोर नेपाली सेनाले लिनुपर्ने लबिङ सुरु गरेका छन् ।

यसका लागि उनले अब नेपाली सेनालाई ज्ञापन पत्र नै बुझाएर सेनालाई सडकमा आउन आग्रह गर्दैछन् । स्वतन्त्र नागरिक समाजद्वारा मंसिर १३ गते नेपाली सेनाका प्रधानसेनापतीलाई देशको बिग्रँदो परिस्थितिको बिषयमा ध्यानाकर्षण पत्र र ज्ञापनपत्र बुझाउने कार्यक्रम आयोजना गरिएको संयोजक सिलवालले जनाएका छन् । उनले सेना गुहारेर राजनीतिक शक्ति देश बचाउन बिफल भएको सन्देश दिन खोजेका छन् ।

समाजले दलबल सहित र्याली आयोजना गरेर प्रधानसेनापतिलाई ध्यानाकर्षण पत्र सहित ज्ञापन पत्र दिने भएकोले मंसिर १३ गते बिहान १० बजे पाटनढोका पिपलबोट ललितपुरमा उपस्थित भई र्यालीमा सहभागी हुन सम्पूर्ण देशभक्त, राष्ट्रवादी प्राध्यापक, कानुन व्यवसायी, साहित्यकार, इतिहासविद्, पत्रकार, शिक्षक, संघसंस्था, व्यापारी, विद्यार्थी र आम नेपाली दाजुभाइ दिदीबहिनीहरुलाई निमन्त्रणा पनि गरेको छ ।

ललितपुरको पाटनढोका पिपलबोटमा भेला भई जुलुशसहित पाटनढोका देखि कुपोण्डोल, त्रिपुरेश्वर, रत्नपार्क हुँदै भद्रकाली, सैनिक मुख्यालयसम्म पुगेर प्रधानसेनापतिलाई ज्ञापन पत्र बुझाउने कार्यक्रम तय गरिएको स्वतन्त्र नागरिक समाजका संयोजक सिलवालले जानकारी दिएका छन् ।

आफ्नो ७२ घण्टे सत्याग्रहबाट उत्साहित भएका संयोजक सिलवालले सत्याग्रहलाई पनि ७५ जिल्लामा अघि बढाउने घोषणा मंसिर ४ मा नै गरिसकेका छन् ।

नेपाली सेनालाई ज्ञापन पत्र नै बुझाएर देशको बागडोर संहाल्न अनुरोध गर्ने स्वतन्त्र नागरिक समाजको यो खालको तयारीले देशमा सैनिक शासनको आमन्त्रण गर्ने शक्ति बलियो हँुदै गएको अर्थमा बुझ्न सकिन्छ ।

अहिलेसम्म राजनीतिक नेतृत्वले नै देशको बागडोर संहालिरहेका बेला सिलवाल नेतृत्वको स्वतन्त्र नागरिक समाजले सेनालाई ज्ञापन पत्रै बुझाएर देशको बिग्रदो अवस्थालाई नियन्त्रणमा लिन आग्रह गरिनु राजनीतिक दलहरुका लागि निकै ठूलो चुनौति पनि हो ।

देश बचाउन सेना गुहार्ने स्वतन्त्र नागरिक समाजको ज्ञापन पत्र र ध्यानाकर्षणलाई नेपाली सेनाले कसरी लिने हो उक्त कुरा भने मंसिर १३ पछि मात्रै थाहा लाग्ने छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
पुनर्बहालीको माग गर्दै पूर्वमाओवादीका चार नेताद्वारा सर्वोच्चमा रिट

काठमाडौँ । संसदीय समितिले कक्षा १२ का विद्यार्थीलाई परीक्षाअघि खोपको व्यवस्था गर्न सरकारलाई

जीप दुर्घटनामा परी गुल्मीमा तीन जनाको मृत्यु

गुल्मी । गुल्मीमा जीप दुर्घटना हुँदा तीन जनाको मृत्यु भएको छ । बुधबार

राष्ट्रपतिद्वारा पहिलो युद्ध संग्रहालयको उद्घाटन

सिन्धुली । राष्ट्रपति विद्यादेवी भण्डारीले सिन्धुलीगढी युद्ध संग्रहालयको उद्घाटन गरेकी छन् । बुधबार

जग्गा दलालबाट काठमाडौंको सार्वजनिक जग्गा जोगाउन मुश्किल

काठमाडौँ । काठमाडौँ महानगरको वडा १६ बोहोराटार ( खरिबोट माइक्रो बस स्ट्याण्ड) वनदेवी