रुप ज्योतिको मुद्दा मिलापत्रमा टुंगिने, जाहेरी फिर्ता लिन मल्लले दिए निवेदन
काठमाडौँ । उद्योगी रूप ज्योतिलगायत उनको परिवारविरुद्ध दर्ता भएको ठगीको जाहेरी मिलापत्रमा टुंगिने भएको छ । ज्योति परिवारले जाहेरीकर्ता विजेन्द्रकृष्ण मल्ललाई जग्गा बैनाबापतको रकम फिर्ता दिई चित्त बुझाएपछि उनले जाहेरी फिर्ता लिन निवेदन दिएका छन् ।
दुवै पक्ष मिलापत्रमा सहमत भएपछि प्रहरीले ठगी मुद्दा नचलाउने रायसहित जिल्ला सरकारी वकिलको कार्यालयमा प्रतिवेदन बुझाएको छ ।
आफूहरुकोमा मुद्दा नचल्ने रायसहित प्रतिवेदन आएको सरकारी वकिलको कार्यालय काठमाडौंका प्रमुख चन्द्रकान्त खनालले जानकारी दिए ।
अध्यक्ष रुप ज्योतिलाई गत बिहबार अन्तर्राष्ट्रिय विमानस्थलबाट छोरी सुरुचिसहित प्रहरीले पक्राउ गरेको थियो । ज्योतिका दाजु पद्म ज्योतिलाई पनि अदालतले पक्राउ गर्न अनुमति दिएको थियो । ज्योतिले एक करोड २६ लाख रुपैयाँ ठगी गरेको आरोपमा प्रहरीमा जाहेरी परेको थियो।