कांग्रेसले भन्यो–महराको राजीनामा अपूरो
काठमाडौं । नेपाली कांग्रेसले बलात्कार आरोप लागेपछि राजीनामा दिएका संघीय संसदका सभामुख कृष्णबहादुर महराको राजीनामा अपूरो रहेको बताएको छ । पार्टी केन्द्रीय कार्यालय सानेपामा पत्रकार सम्मेलन गरी कांग्रेसले राजीनामा अपूरो भएको बताएको हो ।
पत्रकार सम्मेलनमा कांग्रेस प्रवक्ता विश्वप्रकाश शर्माले सभामुख महराबाट दिएको राजीनामा अपूरो भएको बताए । उनले प्रस्ट राजीनामा आउनुपर्ने पनि बताए ।
उपसभामुखलाई बुझाएको राजीनामा पत्रमा छानबिन प्रक्रिया नसकिएसम्म भनिएको भन्दै शर्मले भने, ‘राजीनामा दिनु भएको हो कि कार्यवाहक ?’ उनले छानबिनका लागि १ वर्ष लागे संसद कार्यवाहकले नै चलाउने हो भन्दै प्रश्न पनि गरे । महरामाथि लागेको यौन दुव्र्यवहारको आरोप सामान्य नागरिकसरह छानबिन हुनुपर्ने प्रवक्ता शर्माले बताए ।
