चितवन मेडिकल कलेजलाई बढी लिएको शुल्कको भर्पाइ दिन २४ घण्टे अल्टिमेटम



चितवन । चितवन मेडिकल कलेजले आन्दोलनरत पक्षसँग भएको सहमति अनुरूप काम नगरेको भन्दै विद्यार्थी र अभिभावकले फेरि आन्दोलनको चेतावनी दिएका छन् ।

सहमति अनुसार मेडिकल कलेजले विद्यार्थीबाट लिएको अतिरिक्त शुल्कको भर्पाइ र प्रतिवेदन असोज १० गतेभित्र दिनुपर्नेमा नदिएपछि अभिभावक र विद्यार्थीले आन्दोलनको चेतावनी दिएका हुन् ।

मिति कटे पनि भर्पाइ नपाएको भन्दै सोमबार बिहान ११ बजेभित्र भर्पाइ नदिए आन्दोलन गर्ने विद्यार्थी र अभिभावकले चेतावनी दिएका हुन् ।

चिकित्सा शिक्षा संघर्ष समिति र अभिभावक संघर्ष समितिले आइतबार संयुक्त विज्ञप्ती निकालेर यस्तो चेतावनी दिएका हुन् ।

चितवन मेडिकल कलेजले एमबीबीएस सहितका विद्यार्थीबाट सरकारले तोकेकोभन्दा पाँचदेखि २० लाख रूपैयाँसम्म बढी शुल्क लिएको भन्दै विद्यार्थीले आन्दोलन गरेका थिए ।

विद्यार्थी, अभिभावक र कलेज प्रतिनिधिबीच भदौं २६ मा चितवन जिल्ला प्रशासनमा वार्ता भएको थियो ।

जसमा कात्तिक १८ गतेसम्म बढी लिएको शुल्क फिर्ता गर्ने र असोज १० भित्र बढी लिएको शुल्क बारे प्रतिवेदन तयार गर्ने र भर्पाइ पनि दिने उल्लेख छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
देउवा, प्रचण्ड र नेपालबीच शनिबार गठबन्धनको बैठक बोलाउने सहमति

काठमाडौं । सत्तारुढ गठबन्धनका प्रमुख तीन दलका शीर्ष नेताहरुबीच छलफल भएको छ ।

‘संक्रमणपछि आइसोलेसनमा नबस्नु अन्यको जीवनप्रति गम्भीर खेलबाड हो’

काठमाडौं । नेपाली कांग्रेसका महामन्त्री विश्वप्रकाश शर्माले कोरोना संक्रमण भएपछि आइसोलेसनमा नबसी सार्वजनिक

हल्का वर्षा र हिमपातको सम्भावना

काठमाडौं । पश्चिमी न्यून चापीय प्रणालीको प्रभावले आज देशका अधिकांश भू–भागमा आंशिकदेखि सामान्य

भोजपुरमा ब्राउन सुगरसहित दुई ट्रक चालक पक्राउ

भोजपुर । जिल्ला प्रहरी कार्यालय भोजपुरले खैरो हेरोइन (ब्राउन सुगर)सहित दुई जनालाई नियन्त्रणमा