विवादित फैसलामाथि प्रश्न उठाएकोमा सर्वोच्च अदालतको असन्तुष्टि
काठमाडौं । सर्वोच्च अदालतले पछिल्लो समय भएका विवादित फैसलामाथि प्रश्न उठाएकामा असन्तुष्टि जनाएको छ । सर्वोच्च अदालतका प्रवक्ता भद्रकाली पोखरेलले सोमबार विज्ञप्ति जारी गरी न्यायसम्पादनका क्रममा हुनसक्ने त्रुटि विधि र प्रक्रियाअनुसार अदालतबाटै निरुपण हुने भन्दै सर्वोच्चले त्यस्ता विषयमा टीका टिप्पणी नगर्न आग्रह गरेका हुन् ।
पत्नी हत्याको आरोपमा जन्मकैदको सजाय पाएका सशस्त्र प्रहरीका पूर्वडीआईजी रञ्जन कोइरालाको सजाय घटाएको तथा महाराजगञ्ज हिट एण्ड रन घटनाका अभियुक्तलाई धरौटीमा छाड्ने आदेशको विरोधमा सर्वोच्चको सर्वत्र विरोध भएपछि सर्वोच्चले आफ्नो धारणा सार्वजनिक गरेको हो ।
