शताव्दी पुरुष सत्यमोहन जोशी १०१ वर्षमा
काठमाडौं । साहित्यकार एवं शताव्दी पुरुष सत्यमोहन जोशी १०१ वर्ष पुगेका छन् । नेपाली कला, सँस्कृति र साहित्यमा योगदान गरेका जोशी आज १०१ वर्ष पुगेका हुन् । जोशी गतबर्ष एक सय वर्ष पुगेको अवसरमा विभिन्न कार्यक्रम आयोजना गरिएको भएपनि यसवर्ष भने कोरोना संक्रमणका कारण कुनै कार्यक्रम आयोजना गरिएको छैन ।
जोशी एक सय एक वर्ष पुगेको अवसरमा नेपालका लागि अमेरिकी राजदूत र्याण्डी बेरीले शुभकामना दिएका छन् । उनले ट्वीटरमा लेखेका छन्,‘सांस्कृतिक सम्पदा र वातावरणीय संरक्षण क्षेत्रका अग्रणी विद्वान लेखक तथा शताब्दी पुरुष सत्यमोहन जोशीलाई १०१ औं जन्मदिनको शुभकामना तथा सुस्वास्थ्य एवं दीर्घायुको कामना।’
