आमा नमस्ते !!



डा. गोविन्दशरण उपाध्याय ।

जताततै कोरोनाको कुरा सुनेर तपाईंलाई हाम्रो चिन्ता लाग्नु स्वाभाविक हो तर हामी सन्चै छौं | मैले किताव पढेर समय विताएको छु भने बाबु मोबाइलमा खेलहरू हेरिरहेको हुन्छ | तपाईंकी वुहारी र छोरी पनि कहिले कथा पढ्छन्, भान्छाको काम गर्छन् र कोरोनाका समाचार सुन्छन् | काठमाडौँ पुरै वन्द छ | बरू गाउँमा त एसो वाहिर निस्क्यो भने जताततै देख्न पाइन्छ, यहाँ त घरकोठा नै संसार हुन्छ |

विदेशमा धेरै मान्छे करोना लागेर मरेको खवर छ | यहाँ सबै थोक सरकारले वन्द गरिदिएको छ | कसैलाई घरबाट वाहिर निस्कन अनुमति छैन | धान्नै केही सागसब्जिका पसल र दूधका पसलहरू खुल्ने गरेका छन् | बेलुका भएपछि मुखमा लुगाको फुन्गो लगाएर किन्न जान्छौं |

तर मलाई तेताको चिन्ता लागि रहेको छ | मैले समाचारमा धेरै विदेश गएका मान्छेहरू गाउँ फर्केको सुनेको छु | ती मान्छेले करोना बोकेको हुन सक्छ | तेस्ता मान्छेका नजिक पटक्कै न पर्नु | बालबालिकालाई तिनले दिएको वस्तु खान नदिनु | विदेशबाट आएका आफन्त वा पाहुनालाई एक्लै राख्नु | छ हात पर रहेर कुरा गर्नु, खान दिनु तर छोइने काम पटक्कै नगर्नु | उनीहरूको लुगा न धुनु, उनीहरूसंग संगै नवस्नु र उनीहरू सन्चै छु भने पनि सतर्कता अपनाउनु | विदेशबाट आएपछि ज्वरो आएका र खोकी लागेका मान्छेसंग जोगिनु |

विदेशबाट आएका मान्छेहरूमा रुघाखोकी तथा ज्वरो देखियो भने ११८० मा फोन गरेर तेस मान्छेको विषयमा प्रहरीलाई जानकारी दिनु | यो नम्वरमा फोन गर्दा पैसा लाग्दैन | विदेशबाट आएको १४ दिनपछि मात्र त्यो मान्छेसंग अरू सरह व्यबहार गर्न सकिन्छ तर पनि छ हात पर रहेर कामकुरा गरेको राम्रो |

धेरै आत्तिनु पर्दैन | कसैलाई रोग लागिहाल्यो भने औषधि उपचार गर्नुपर्छ | एसको सबै व्यबस्था सरकारले गरेको छ | सधैं सावुन पानीले हात धुनु, सावुन नभए खरानीले हात धुनु, समयसमयमा तातोपानी खाँदै गर्नु | अनावश्यक रूपमा मान्छेहरूको भीडमा नजानु र केटाकेटीलाई पनि जान नदिनु |

यो चीसोबाट तातो दिनतिर जाने मौसम हो | तेसैले रुघाखोकी लाग्न सक्छ, हलुका ज्वरो पनि आउँन सक्छ | एस्तो भयो भने आत्तिनु पर्दैन तर यदि कुनै विदेशबाट आएको मान्छे घरमा छ, कुनै मान्छे पाहुना आएको थियो भने ज्वरो आउँदा नजिकैको स्वास्थ्य चौकीमा खवर गरेको राम्रो हुन्छ |

विदेशबाट आएका मान्छेमा ज्वरो देखियो तर स्वास्थ्य चौकीमा जान अटेर गरिरहेको छ भने आफैले प्रहरीमा खवर गरिदिनु होला | अटेरी गर्ने व्यक्ति र परिवारसंग अलग्गै वसेको राम्रो हुन्छ | यहाँ बरू स्वास्थ्य हेरचाह सजिलो छ तर गाउँमा यो रोग फैलियो भने गारो हुन्छ |

हामी सहरको घरमा थुनिएर वसेका छौँ | तेहा आएको भए सारै रमाइलो हुन्थ्यो | यो वन्दमा हजुरको धेरै याद आउँछ, चिन्ता लाग्छ, माया लाग्छ | मैले सबै वहिनी र भाईहरूलाई दिनको एक पटक फोन गरेको छु | उनीहरूले पनि गर्छन् |

साच्चिकै एक्लै घरमा वसिरहनु पर्दा निकै आमा र घरछिमेकिको धेरै याद आउँदो रहेछ | यो फोनले न्यास्रो मेट्ने काम गर्छ | फेरी भोली कुरा गरौला | फोन राखें |

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
राष्ट्रकै जिम्मेवारी पाएपछि मानसिकता गरिब र तन्नम् प्रकारको रहनु हुँदैन

जेपी गुप्ता । ‘राजनीतिलाई धेरैले बिभिन्न भाष्यहरू दिएको छ ।..सम्भावनाहरूको खेल।..जहाँ प्रेम र

यो राजनीति भन्ने पनि साह्रै घटिया चीज हुँदो रहेछ !

नारायण गाउँले । यो राजनीति भन्ने पनि साह्रै घटिया चीज हुँदो रहेछ !

‘यीनीहरुले देखाउने पटके चटकलाई राजा महेन्द्रको देशभक्तिसँग तुलना गर्नेलाई मूर्खको पुरस्कार दिनुपर्छ’

भरत दाहाल । दिल्लीको सत्ताले ०५९ सालमा पुष्पकमल र बाबुरामलाई अटलविहारी वाजपेयीको कार्यालयमा

माउन्ट एभरेस्ट, सगरमाथा र सुधीर चौधरी विवाद

केशवप्रसाद भट्टराई । २०१६ सालमा इतिहास शिरोमणि बाबुराम आचार्यको परामर्शमा वीपी कोइरालाले माउन्ट