आफ्नै हिन्दूहरूसँग नै वंश र अंशको हिसाव किताव खोजौं
डा. गोविन्दशरण उपाध्याय ।
पैसाको लोभमा धर्म परिवर्तन गरेर इसाई बने पनि दलितहरूको पानी चल्दैन, दलित बालबालिकाले विद्यालयमा प्रवेश पाउन्नन् र दलित इसाईहरूले छोएको इसाईहरूले नै खाँदैनन् | तैपनि नेपालमा डलर बोकेर आएका इसाईहरूले दलितहरूको धर्मपरिवर्तन गरिरहेका छन् | दलितहरू डलरेहरूको मांखेसाग्लोमा परेका परै छन् |
गैरदलितबाट इसाई बनेका नेपालीहरूले दलित समुदायबाट इसाई बनेका समुदायसंग विवाह वा अन्य कुनै पारिवारिक सम्बन्ध स्थापित गर्दैनन् | धर्म परिवर्तन नगरेसम्म हरेक दिन घरमा गएर प्रलोभन दिनेहरू वाप्स्तिमा लिएको दिन देखि सोध्न पनि आउंदैनन् | जातीय विभेद मुखले हुँदैन भन्ने हो ब्यबहारमा चर्चभित्र नै दलितहरू अपहेलित हुन्छन् – एकजना मेरै गाउँले इसाईले मलाई पुन: हिन्दू धर्ममा फर्काउन अनुरोध गर्दै भनेका थिए |
अहिले उनी हिन्दू भएका छन् | हिन्दू धर्मको पालना गर्दै आफ्नो अंश खोजिरहेका छन् | राज्यले बनाएको कानुनले उनलाई सहयोग गरिरहेको छ |
धर्म परिवर्तन गरेर विदेशीहरूको अपमानपूर्ण विभेद सहनुभन्दा वरू आफ्नै हिन्दूहरूसंग नै वंश र अंशको हिसाव किताव खोजौं | धर्म परिवर्तन गरेर देश, समाज र आफ्नो संस्कृतिप्रति शत्रुतापूर्ण व्यवहार नगरौं | तमिलनाडुका दलित इसाईहरू पुस्ता-पुस्तापछि सनातन धर्ममा फर्किन थाले |
