सिन्धुपाल्चोकको जुगल गाउँपालिकामा कोरोनाको जस्तै लक्षण देखिने शंकास्पद रोग

काठमाडौं । सिन्धुपाल्चोकको जुगल गाउँपालिकामा कोरोना भाइरस जस्तै लक्षण देखिने शंकास्पद रोग देखिएको छ । जुगल गाउँपालिकाको वडा नम्बर ३ को साविकको गुम्बा गाविस वडा नम्बर ८ मा २७ माघदेखि कोरोनाभाइरसको लक्षणसँग मिल्दो ज्वरोका बिरामी भेटिएकाले पत्राचार गर्दै सहयोग गरिदिन गाउँपालिकाले स्वास्थ्य मन्त्रालयलाई आग्रह गरेको छ ।

प्रमुख प्रशासकीय अधिकृत लोकबहादुर विकले स्वास्थ्य मन्त्रालयलाई पठाएको पत्रमा भनिएको छ, “विश्वमा फैलिइरहेको नोभल कोरोनाभाइरसको लक्षणसँग मिल्ने रुघाखोकी र अत्याधिक ज्वोरोजस्ता लक्षणका बिरामी देखा परेको हुँदा सोको परिक्षण गरी रोग पहिचानका लागि विशेष टोली खटाइ सहयोग गरिदिन हुन अनुरोध गर्दछौं ।”

त्यहाँ बिरामीको संख्या एक सय नाघिसकेकाले सहयोगका लागि आग्रह समेत गरिएको छ ।