महराविरुद्ध आज थुनछेक बहस हुँदै
काठमाडौँ । निवर्तमान सभामुख कृष्णबहादुर महराको अदालतको थुनछेकको प्रक्रिया आजबाट सुरु हुँदैछ । बिहीबार मुद्दा दर्ता भए पनि समय अभावका कारण प्रक्रिया प्रारम्भ भएको थिएन ।
आज महराको अदालतमा बयान हुनेछ । महरासँगको बयान सकिएपछि थुनछेक बहस सुरु हुनेछ । थुनछेक बहसको प्रक्रिया लम्बिएमा महरा शुक्रबार पनि न्यायिक हिरासतमा नै रहनेछन् ।
बहस सकिएर आदेश भएमा अदालतले पुर्पक्षका लागि थुनामा पठाउन वा रिहा गर्न सक्नेछ । अदालतले धरौटी वा साधरण तारेखमा रिहा गर्न सक्नेछ ।
पुर्पक्षका लागि थुनामा गएमा महरा सांसद् पदबाट पनि स्वतः निलम्बनमा पर्नेछन् तर रिहा भएमा निलम्बन हुने छैनन् । सरकारी वकिल कार्यालयले बिहीबार महरामाथि जबर्जस्ती करणी उद्योगमा मुद्दा दायर गरेको थियो।
