अदालतद्वारा आलममाथि अनुसन्धानका लागि ७ दिनको म्याद थप
रौतहट । रौतहट जिल्ला अदालतले हत्या आरोपमा पक्राउ परेका सांसद मोहम्मद आफ्ताब आलमको सात दिन थप गरेको छ ।
न्यायाधीश चित्रबहादुर गुरुङको इजलासले कात्तिक ३ गते सम्म अनुसन्धान गर्नका लागी प्रहरीलाई म्याद दिएको हो । १२ वर्षअघि २०६४ चैत २७ गते राजपुरमा बम विस्फोट गराएको अभियोगमा आसोज २६ गते प्रहरीले उनलाई पक्राउ गरेको थियो ।
सांसद आलमले घटनाको १२ वर्ष पछि बिना प्रमाण आफुलाइ पक्राउ गरेको न्यायाधीश सामु बताएका थिए । उनलाई अदालत पेश गर्ने क्रममा प्रहरीले गौरको सुरक्षा व्यवस्था निकै कडा बनाएको थियो ।
उनी नेपाली कांग्रेसका नेता तथा रौतहट क्षेत्र नम्बर २ बाट प्रतिनिधिसभाका सांसद हुन् । उनले आफूले अदालतको सम्मान गर्ने र मुद्दाका विषयमा पछि थप कुरा गर्ने बताए ।
