कथाकार वसन्त पराजुलीको ‘मोम्चो’



चितवन । युवापुस्ताका चर्चित कथाकार वसन्त पराजुलीद्वारा लिखित नवीनतम कथा सङ्ग्रह ‘मोम्चो’ प्रकाशनमा आएको छ । भूँडीपुराण प्रकाशन प्रालिद्वारा प्रकाशित कृतिमा ११ कथालाई समावेश गरिएको छ ।

विशेष गरी ती कथामा चेपाङ समुदायमा बढ्दो बालविवाह र यसपछि महिलाले भोग्नुपरेका विविध समस्यालाई जीवन्त र सजीव रुपमा उतारिएको छ । साथै पितृसतात्मक समाजका कारण नारीले भोग्नुपरेका समस्या र सङ्घर्ष मार्मिक रुपमा सरल भाषामा प्रस्तुत गरिएको प्रालिका प्रबन्ध निर्देशक केशव पराजुलीले जानकारी दिए । उनले भने“ कथाकार वसन्तका कथा नारीवादी हुन्छन् । नारीका व्यथा र चित्कारलाई यथार्थ प्रस्तुत गरिएका हुन्छन् । ”

कथाकार वसन्तको यसअघि ‘कुमाता’ कथा सङ्ग्रह प्रकाशित भइसकेको छ । कृति अहिले तेस्रो सस्करणमा प्रकाशित हुँदै छ । ‘मोम्चो’ शब्दको अर्थ चेपाङ भाषामा महिला वा नारी भन्ने हुन्छ । आख्यानकार वसन्तले भने, “ कथाङ्ग्रह भित्रको शीर्ष मोम्चो कथाबाट कृतिको नामकरण गरेँ । विशेषगरी चेपाङ समुदायमा बढ्दो बालविवाह र यसपछि महिलाले भोग्नुपरेका समस्यालाई कथामा केन्द्रित गरेको छु ।”

यही मङ्सिर १९ गते अक्षर समूह चितवनको आयोजनामा कृतिको सार्वजानिक हुने उनले जानकारी दिए । सोही अवसरमा कृतिमाथि वरिष्ठ साहित्यकार श्रीओम श्रेष्ठ रोदन र आख्यानकार अश्विनी कोइरालाले समीक्षा गर्ने समूहका अध्यक्ष प्रभाकर पण्डितले बताए । वरिष्ठ सञ्चारकर्मी वसन्त लामोसमयदेखि ‘गोरखापत्र दैनिक’का चितवन जिल्ला समाचारदातामा कार्यरत छन् । उनी तीन दशक भन्दा बढी समयदेखि पत्रकारितामा क्रियाशील छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
पृथ्वी जयन्तीका अवसरमा पुस्तक प्रदर्शनी

काठमाडौं । नेपाल एकीकरण अभियानका नायक पृथ्वीनारायण शाहको ३००औँ जन्मजयन्तीका अवसरमा नेपाल प्रज्ञा–प्रतिष्ठानले

गंकी धुस्वां–बसुन्धरा पुरस्कार कार्कीलाई

काठमाडौं । गंकी धुस्वाँ–बसुन्धरा प्रतिष्ठानले यसवर्षको ‘गंकी धुस्वां–बसुन्धरा पुरस्कार’ उपन्यासकार नीलम कार्की निहारिका

चेलीको व्यथा

चेलीको व्यथा आफ्ना रहर र सपनालाई तिलाञ्जली दिएर अरुकै ईच्छा र सपनामा जीवनको

लघुकथाः म बाँझी होइन

प्रभादेवी पौडेल।  एकदिन अर्चना बिहानको खाना खाई वरि धन्दा सकेर पिढीमा यसो सुत्न