किन गरियो सिरहा ईन्जिनियर कार्यसमिति गठन ? अरबिन्द सिंहसँगको कुराकानी



सिरहाको धनगढीमाई नगरपालिका वडा नम्बर ६, फुल्काहाकट्टिका अरबिन्द सिंह पेशाले इन्जिनियर हुन् । बिस २०४९ सालमा पिता रामसेवक सिंह र माता श्रीवती महतोको कान्छो छोराका रुपमा जन्मिएका सिंहले भारतको कुरुक्षेत्र विश्वविद्यालयबाट सन् २०१६ मा इन्जिनियरिङ गरेका छन् । राष्ट्रिय पुनर्निर्माण प्राधिकरण अन्तर्गत रामेछापको मन्थली नगरपालिका उनी हाल कार्यरत छन् । अहिले सिरहाका इन्जिनियरहरु मिलेर सिरहा ईन्जिनियर कार्यसमिति गठन गरेका छन् । समाजको उनी मिडिया संयोजक छन् । समाज गठन किन आवश्यक पर्यो त ? लगायतका विषयमा उनीसँग गरिएको कुराकानीको सम्पादित अंशः
१ सर्वप्रथम त बधाई छ, सिरहा ईन्जिनियर कार्य समितिको मिडिया संयोजक हुनुभएकोमा ।
धन्यवाद
२. इन्जिनियरिङ कहाँ कुन कलेजमा पढ्नुभयो ?
मैले इन्जिनियरिङ भारतको कुरुक्षेत्र विश्वविद्यालयको चण्डीगढबाट सन् २०१६ मा गरेको हुँ ।
३. अनि कहिले कहाँ काम गर्दै हुनुहुन्छ ?
सन् २०१६ मा पढाई सकेर नेपाल फर्केपछि एकबर्ष काठमाडौंमै जागिर गरें । त्यसपछि राष्ट्रिय पुनर्निर्माण प्राधिकरणअन्तर्गत रामेछाप जिल्लाको मन्थली नगरपालिकामा हालसम्म काम गर्दैछु ।
४. नेपाल इन्जिनियर्स एशोसिएसन, अर्को मधेश इन्जियनियर्स एसोसिएन पनि छ अनि किन सिरहा ईन्जिनियर कार्य समिति गठन गरेको ?

नेपाल इन्जिनियर्स एशोसिएसन एउटा सिंगो संस्था हो । जो सदाका लागि ईन्जिनियर प्राबिधिकहरुको हकहितका लागि आवाज अथवा सकारात्मक पक्षमा उभिएको छ । र त्यस्तै मधेस ईन्जिनियर एसोसिएसन पनि एउटा त्यसको पार्ट हो । जस्तो कि PEAN र CDEN संस्था पहिलेदेखि यसमा आबद्ध छन् । हामीले कुनै छुट्टै संस्था अथवा सिरहा ईन्जिनियर्स समाज संस्था खोलेका होइनौं यो हामीले मधेस ईन्जिनियर एसोसिएसनको मातहतमा रही जिल्ला जिल्लामा कार्यसमिति गठन मात्र गरेका छौं ।

५. यो  गठनको सोच कसरी आयो नि ? के गर्छ त यसले अब जिल्लामा ?

हामीले अर्को कुनै समाज वा संस्था खोलेका छैनौं । कार्यसमिति गठन गरेका छौं । जसले गर्दा यस जिल्लामा तथा बाहिरी जिल्लाहरुमा कामकाज गर्दै आईरहनु भएका प्राबिधिक इन्जिनियर साथीहरुसँग थप एकताबद्ध बनाउन र अगामी दिनहरुमा प्राविधिक हकहितका लागि मात्रै नभई देश र प्रदेशमा पर्ने आपतविपदमा हाम्रोतर्फबाट के कतिसम्म सहयोग गर्न सकिन्छ भन्ने भावनाले यो संस्था संचालन गरिएको छ ।

६. तपाईं मिडिया संयोजक हुनुभएको छ, यसलाई कसरी चिनाउनुहुन्छ त ?
म मिडिया संयोजकको नाताले मात्र नभई देशको एउटा नागरिकको नाताले समाज अथवा देशको हकहितका लागि सधैं अगाडि रहि आफ्नो कर्तव्य निर्वाह गर्नेछु र आफ्नो समाजमा अप्ठ्यारो परिस्थिति परेको बेला सदैब अगाडि रहनेछु । धन्यवाद ।

यो पनि

मधेश ईन्जिनियर्स एसोसिएसन सिरहा गठन

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
नेकपा एमाले हाम्रो हो, केपी ओलीको होइनः माधव नेपाल(अन्तरवार्ता)

पूर्वप्रधानमन्त्री एवं नेकपा एमालेका वरिष्ठ नेता माधवकुमार नेपालले आफूमाथि गरिएको निलम्बनको कारबाहीपछि प्रचण्डसँग

इन्जिनियरिङ्गकाे प्रवेश परीक्षामा सर्वाेत्कृष्ट स्थान हासिल गर्ने विद्यार्थीलाइ पिइएद्वारा सम्मान

काठमाडौं । PEA ले विशेष समाराेहका बीच सम्मान कार्यक्रमकाे आयाेजना गरेकाे छ ।

प्रिमियर लिगमा म्यानचेस्टर सिटीको १० अंकको अग्रता

इंग्लीश प्रिमियर लिग फुटबलमा म्यान्चेस्टर सिटीले एभर्टनलाई ३–१ ले हराएको छ । एभर्टनको

आइओईको प्रवेश परीक्षामा ६ हजार ७२५ विद्यार्थी उत्तीर्ण(नतिजासहित)

काठमाडौं । इन्जिनियरिङ अध्ययन संस्थान (आइओई) ले संचालन गरेको प्रवेश परीक्षाको नजिता सार्वजनिक