यी हुन् अमेरिकी इतिहासमा सबैभन्दा धेरै ९३ जनाको हत्या गर्ने व्यक्ति



पछिल्लो चार दशकमा ९३ जनाको हत्या गरेको कबुल गरेका एक बन्दीलाई अमेरिकाको सङ्घीय अनुसन्धान ब्यूरो एफबीआईले अमेरिकाको इतिहासमै सबैभन्दा धेरै हत्या गर्ने व्यक्ति भएको पुष्टि गरेको छ।

प्रहरीले स्यामुएल लीटललाई सन् १९७० देखि २००५ सम्म भएका ५० वटा फरक घटनामा जोडेको छ। उनासी वर्षीय लीटल सन् २०१२ देखि तीनजना महिलाको हत्या अभियोगमा जेल सजाय भोगिरहेका छन्।

लीटलले कमजोर व्यक्ति, कालो वर्णका महिला, लागुऔषध प्रयोगकर्ता र यौनकर्मीहरूलाई निशानामा पार्ने गरेको अधिकारीहरूले बताएका छन्।

पूर्वबक्सर समेत रहेका लीटलले पहिले मुक्का प्रहार गर्ने र त्यसपछि घाँटी थिचेर हत्या गर्ने गरेको बताइएको छ। उनले गरेकामध्ये केही हत्याहरू दुर्घटना वा लागुऔषधको अत्यधिक प्रयोगका कारण भएको अनुमान लगाउँदै एफबीआईले अनुसन्धान नगरेको बताइएको छ।

एफबीआईका अनुसार कतिपय मृत शरीर हालसम्म फेला परेका छैनन्। उनले कबुल गरेका बाँकी ४३ घटना पुष्टि गरिँदै छ।

हालसालै विभिन्न स्थानमा गरिएका हत्याका पाँचवटा घटनाबारे थप विवरण अधिकारीहरूले सार्वजनिक गरेका छन्। मृत्यु भएकाहरूको पहिचान गर्नका लागि विवरण सार्वजनिक गरिएको बताइएको छ।

यसअघि लीटलले आफूले हत्या गरेकाहरूको तस्बिर कोरेका थिए जसलाई अधिकारीहरूले पीडितहरूको पहिचान गर्नका लागि सार्वजनिक गरेका छन्।

लीटलले मृत्यु भएकाहरूको वर्णन गरेको एउटा भिडिओ पनि सार्वजनिक गरिएको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
इथियोपियामा पहिरोमा परी एक सय ४६ को मृत्यु

दक्षिणी इथियोपियामा पहिरोमा परी ज्यान गुमाउनेको सङ्ख्या १४६ पुगेको मंगलबार स्थानीय अधिकारीले बताएका

बंगलादेशका विभिन्न सरकारी निकायको वेबसाइट ह्याक

बंगलादेशमा चर्किरहेको आरक्षणविरोधी आन्दोलकाबीच बंगलादेशको प्रधानमन्त्री कार्यालय, केन्द्रीय बैँक र प्रहरीको आधिकारिक वेबसाइटहरू

डोनाल्ड ट्रम्प हाम्रो देशलाई पछाडि लैजान चाहन्छन्ः उपराष्ट्रपति ह्यारिस

बीबीसी । अमेरिकाकी उपराष्ट्रपति कमला ह्यारिसले राष्ट्रपतिको उम्मेदवार बन्न डेमोक्रेटिक पार्टीबाट समर्थन पाएकी

गाजामा हमासको नियन्त्रणमा रहेका दुई बन्धकको मृत्यु

गाजामा हमासले बन्दी बनाएका दुई बन्धकको मृत्यु भएको इजराइली अभियान समूह होस्टेजेज एन्ड