अमेरिकामा तत्काल प्रतिबन्धबाट जोगियो टिकटक



अमेरिकाको वाणिज्य मन्त्रालयले बिहीबार रातिदेखि टिकटकमाथि लाग्न लागेको प्रतिबन्ध तत्कालको लागि रोकेको छ । यसअघिको आदेशअनुसार बिहीबार रातिदेखि अमेरिकामा टिकटक डाउनलोड गर्न प्रतिबन्ध लाग्नुपर्ने थियो ।

तर वाणिज्य मन्त्रालयले ’कानुनी प्रक्रिया जारी रहेको’ भन्दै प्रतिबन्धको कार्यान्वयनमा ढिलाइ गरेको छ । उसले फिलडेल्फियाको अदालतको आदेशतर्फ पनि इङ्गित गरेको छ । सेप्टेम्बरमा त्यहाँ तीन चर्चित टिकटक प्रयोगकर्ताले अमेरिकामा उक्त भिडिओसम्बन्धी सामाजिक सञ्जालको एपलाई प्रतिबन्धित गर्न नहुने जिकिर गरेका थिए । वाणिज्य मन्त्रालयको पछिल्लो निर्णय टिकटकका निम्ति ठूलो राहत हो ।

अमेरिकामा उसका १० करोड प्रयोगकर्ता रहेको अनुमान छ । सेप्टेम्बरमा टिकटकको स्वामित्व रहेको चिनियाँ कम्पनी बाइटडान्सले उसको अमेरिकी सम्पत्तिलाई ’टिकटक ग्लोबल’अन्तर्गत राखेर वालमार्ट र ओरकललाई हस्तान्तरण गर्ने घोषणा गरेको थियो ।

राष्ट्रपति डोनल्ड ट्रम्पले त्यसको समर्थन पनि गरेका थिए। तर मङ्गलवार टिकटकले विगत दुई महिनामा अमेरिकी सरकारका तर्फबाट आफूलाई कुनै प्रतिक्रिया नदिइएको जनाएको थियो । राष्ट्रपति ट्रम्पले टिकटकलाई अमेरिकी कम्पनीलाई विक्री गर्नुपर्ने इच्छा व्यक्त गर्दै आएका छन् । टिकटकले त्यस्ता दाबी अस्वीकार गर्दै आएको छ ।

चीनसँग कूटनीतिक तनाव बढेपछि भारतले उक्त एपमाथि प्रतिबन्ध लगाइसकेको छ । पछिल्लो विकासक्रमबारे टिकटकले कुनै टिप्पणी गरिसकेको छैन।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
बेलायतले मोर्डनाको खोप थप २० लाख डोज खरिद गर्ने

बेलायत सरकारले हालै कोरोना भाइरसविरुद्ध अमेरिकी कम्पनी मोर्डनाले निर्माण गरिरहेको खोप थप २०

विश्वमा ६ करोड ३० लाख भन्दा बढी मानिसलाई कोरोना संक्रमण

विश्वमा हालसम्म कोरोना भाइरस सङ्क्रमितमध्ये ४ करोड ३५ लाखभन्दा बढी संक्रमणमुक्त भएका छन्

क्यानडाद्वारा दुई पान्डा चीनलाई फिर्ता

खुवाउनका लागि ताजा बाँसको अभाव हुन थालेपछि दुई ठूला पान्डालाई क्यानडाबाट चीन फिर्ता

नाइजेरियामा बोको हरामद्वारा कम्तीमा ४३ किसानको हत्या

नाइजेरियाको उत्तरपूर्वी माइदुगुरी शहरमा शनिबार विद्रोही समूह बोको हरामले आक्रमण गरी कम्तीमा ४३