नलगाड नगरपालिकाको उपमेयरमा माओवादी केन्द्रकी देवका लामिछाने निर्वाचित
जाजरकोट । जाजरकोटको नलगाड नगरपालिकाको उपमेयरमा माओवादी केन्द्रकी उम्मेदवार विजयी भएकी छन् । माओवादीकी देवका लामिछाने ४ हजार दुई सय ७२ मत ल्याउँदै निर्वाचित भएकी हुन् ।
उनले कांग्रेसकी इन्द्रा चन्द सिंहलाई हराएकी हुन् । कांग्रेसकी सिंहले तीन हजार एक सय ४७ मत प्राप्त गरिन् । २०७९ मा भएको निर्वाचनमा नलगाडको उपमेयर नेपाली कांग्रेसले जितेको थियो । यसअघि कांग्रेसबाट निर्वाचित उपाध्यक्ष सरिता सिंहको १७ कात्तिक २०७९ को भूकम्पमा परी मृत्यु भएपछि यहाँ उपनिर्वाचन भएको हो ।
