कन्काई–६ को वडाध्यक्षमा स्वतन्त्रले मार्यो बाजी, एमाले उम्मेदवार पराजित
झापा । झापाको कन्काई नगरपालिका–६ को वडाध्यक्षमा स्वतन्त्र उमेदवार लक्ष्मीप्रसाद ओली निर्वाचित भएका छन् । आइतबार भएको उपनिर्वाचनमा नेकपा (एमाले)का तुलाराम बस्नेतलाई १३७ मतले हराउँदै उनी निर्वाचित भएका हुन् ।
निर्वाचित भएका ओलीले ४९३ मत पाए भने उनका निकटतम प्रतिद्वन्द्वी एमालेका बस्नेतले ३५६ मत पाए । यस्तै, नेपाली कांग्रेसका रामगोपाल ओलीले ३१७ मत पाउँदा नेकपा (माओवादी केन्द्र)का गणेशबहादुर थापाले २७७ मत पाए ।
