यस्ता छन् मन्त्रिपरिषद बैठकका १७ निर्णय
काठमाडौँ । सरकारले एशियाली विकास बैंकबाट नवीनतम यान्त्रिक सिँचाइ आयोजना कार्यान्वयनका लागि प्राप्त हुने १६ अर्ब ८८ करोड ५० लाख ऋण सहायता स्वीकृत गर्ने निर्णय गरेको छ ।
आइतवार सञ्चार तथा सूचना प्रविधिमन्त्री एवं सरकारका प्रवक्ता पृथ्वीसुब्बा गुरुङले मन्त्रालयमा पत्रकार सम्मेलन गरी मन्त्रिपरिषद बैठकले १४ अर्ब ८५ करोड रुपैयाँ सहुलियतपूर्ण ऋण र २ अर्ब २ करोड ६२ लाख रुपैयाँ अनुदान सहायता स्वीकृत गर्ने निर्णय गरेको जानकारी दिए ।
उनले चालू आर्थिक वर्ष २०८१।८२ का लागि उखुको उत्पादन लागत ढुवानी भाडा र मुनाफासहित गरी कृषकले उत्पादन गरेको उखु न्यूनतम खरिद मूल्य प्रतिक्विन्टल ५८५ निर्धारण गर्ने निर्णय भएको बताए ।
उनले पोखरा महानगरका प्रमुख धनराज आचार्यको पुस ३ देखि १० गतेसम्मको गणतन्त्र कोरियामा फोहरमैला व्यवस्थापनसम्बन्धी अध्ययन भ्रमणमा सहभागी हुन स्वीकृति दिएको बताए ।
