कांग्रेसले इलाममा खड्का र बझाङमा सिंहलाई उम्मेदवार बनाउने
काठमाडौं । नेपाली कांग्रेसको संसदीय बोर्डले इलाम–२ को उपनिर्वाचनका लागि पार्टी सभापति डम्बर खड्कालाई उम्मेदवार बनाउने निर्णय गरेको छ ।
बिहीबार सबै आकांक्षीलाई बोलाएर छलफल गरेपछि खड्कालाई उम्मेदवार बनाउने सहमति बनेको हो । बोर्ड बैठकले इलाम–२ मा खड्का र बझाङ १(क)मा अभिषेक सिंहलाई उम्मेदवार बनाउने गरी सहमति भएको छ ।
बैठकमा सहभागी एक पदाधिकारीका अनुसार बोर्डले अब कार्य सम्पादन समितिलाई नाम सिफारिस गर्नेछ । उम्मेदवारको टुंगो लगाउन मंगलबार र बुधबार दुई दिनसम्म बसेका औपचारिक बैठक निष्कर्षविहीन रहेपनि आजमात्र भने उम्मेदवार टुङ्याएको हो ।
बझाङ १ को प्रदेशसभा क्षेत्र नम्बर १ मा टिकट पाउने सिंह सुदूरपश्चिमका दिवंगत मन्त्री पृथ्वीबहादुर सिंहका छोरा हुन् । पृथ्वीबहादुर सिंह र उनकी पत्नी तथा भाउजूको गत असारमा बझाङकै केदारस्युँमा जिप दुर्घटनामा परी निधन भएको थियो ।
