एक घण्टाका लागि स्थगित प्रतिनिधिसभाको बैठक सोमबार ११ बजेका लागि सर्यो
काठमाडौं । प्रतिनिधिसभा बैठक भोलिसम्मका लाागि स्थगित भएको छ । एमालेलगायत विपक्षी दलको अवरोधका कारण बैठक सुरुमा एक घण्टाका लागि स्थगित गरिएको थियो । तर सो समयमा पनि बैठक सुरु हुन नसकेपछि सूचना टाँसेर भोलि बिहान ११ बजेसम्मका लागि बैठक स्थगित गरिएको छ ।
नागरिकता विधेयक प्रमाणीकरण र भारत भ्रमणका क्रममा प्रधानमन्त्री पुष्पकमल दाहाल प्रचण्डले सीमा समस्याबारे दिएको अभिव्यक्तिलाई लिएर विपक्षी दलहरूले संसद अवरोध गरेका हुन् । प्रतिनिधिसभासँगै आज राष्ट्रियसभा बैठक पनि अवरोध भएको छ ।
