संसदका सबै सदस्यहरूको राय सुझावसहित मात्र ऐन बन्छ, हल्लाको पछाडि नलाग्नुसः संचारमन्त्री शर्मा
काठमाडौं । सञ्चार तथा सूचना प्रविधिमन्त्री रेखा शर्माले एनसेललाई छुट दिनेगरी सरकारले दूरसञ्चार ऐन नल्याउने बताएकी छन् । शुक्रबारको प्रतिनिधिसभा बैठकमा सांसदहरुले उठाएको प्रश्नको जवाफ दिँदै संचारमन्त्री शर्माले राष्ट्रलाई घाटा हुनेगरी ऐन बन्न नसक्ने बताएकी हुन् ।
उनले संसदका सबै सदस्यहरूको राय सुझावसहित मात्र ऐन बन्ने भन्दै हल्लाको पछाडि नलाग्न सांसदहरूलाई आग्रह गरिन् । उनले भनिन्, ‘कुनै सेवा प्रदायक कम्पनी खारेज हुन खोज्दैछन् तर, सरकार जोगाउन खोज्दैछ भन्ने कुरा बाहिर चर्चा परिचर्चा भएका छन् । नियम कानुन बाहिर गएर कुनै काम गर्दैनौं । राष्ट्रलाई घाटा हुने गरी ऐन बन्दैन ।’
