‘राजसंस्थालाई अभिभावकीय भूमिकामा पुनर्स्थापित नगर्ने हो भने देशमा संकटका बेला साहारा लिने कुनै संस्था बाँकी रहने छैन’
काठमाडौं । राष्ट्रिय प्रजातन्त्र पार्टीका वरिष्ठ उपाध्यक्ष रविन्द्र मिश्रले पूर्वराजा ज्ञानेन्द्र शाहमा देशको दूरगामी हितका लागि ‘मेलमिलाप’ को बाहेक मैले अन्य कुनै भाव नपाएको बताएका छन् ।
पूर्वराजासँगको भेटपछि सामाजिक संजालमार्फत मिश्रले देशको वर्तमान अवस्थाप्रति असन्तुष्टि भएपनि राजकीय गरिमालाई कहिल्यै कम हुन नदिएको बताएका छन् ।
भेटबारे उनले भनेका छन्, ‘राजा ज्ञानेन्द्रमा ती घटनाक्रम र देशको वर्तमान अवस्थाप्रति असन्तुष्टि भएपनि, उनले आफ्नो भद्रता र राजकीय गरिमालाई कहिल्यै कम हुन दिएनन्। मेरो पछिल्ला दुई भेटमा उनमा ‘निरंकुशता’ होइन, यो देशको दूरगामी हितका लागि ‘मेलमिलाप’ को बाहेक मैले अन्य कुनै भाव पाइन।’
मिश्रले पूर्वराजाको भनाई उदृत गर्दै भनेका छन्, ‘मैले त विज्ञप्तिमै ‘देश जोगाउन प्रजातन्त्रका लागि अपरिहार्य राजनीतिक दलहरू र राजसंस्था एक ठाऊँमा आउनै पर्छ’ भनेर भनिसकेँ नि।’
