सरकारबाट नबाहिरिए हामीलाई तत्काल बर्खास्त गर्ने प्रधानमन्त्रीले धम्की दिनुभयोः विष्णु पौडेल
काठमाडौं । नेकपा एमालेका उपाध्यक्ष विष्णु पौडेलले पुस १० भएको सहमतिअनुसार प्रधानमन्त्री पुष्पकमल दाहाल प्रचण्ड नगएको र प्रधानमन्त्रीले नेकपा एमालेलाई सरकारबाट बाहिरिन दबाब दिएको आरोप लगाएका छन् ।
सोमबार पार्टीको सचिवालय बैठकपछि उपाध्यक्ष पौडेलले प्रधानमन्त्रीले एमाले सरकारबाट नबाहिरिए तत्काल मन्त्रीहरुलाई बर्खास्त गर्ने वा बिना विभागीय मन्त्री बनाउनेसम्मको चेतावनी दिएको आरोप लगाएका हुन् ।
उनले जेनेभा भ्रमणमा जान लागेकी परराष्ट्रमन्त्री डा. विमला राई पौड्याललाई अन्तिम समयमा रोकेर प्रधानमन्त्रीले अपरिपक्वता देखाएको र नेकपा एमालेमाथि प्रतिरोध साँधेको बताए । उनले प्रधानमन्त्रीले देशमा राजनीतिक स्थिरता नचाहेकोसमेत बताए ।
