संविधानमाथि अरुबाट होइन, पूर्वप्रधानमन्त्रीबाटै खतरा छः मेटमणि चौधरी
काठमाडौं । नेकपा (एकीकृत समाजवादी) का सांसद मेटमणि चौधरीलेसंविधान च्यात्न पूर्वप्रधानमन्त्रीहरु नै मौका ढुकेर बसेको आरोप लगाएका छन् ।
शनिबार प्रतिनिधिसभाको बैठकमा उनले पूर्व प्रधानमन्त्रीहरु नै अर्बौं भ्रष्टाचार सिस्टम मिलाएर गर्न लागिपरेको आरोप लगाएका हुन् । उनले आफूलाई मन लागेको कानून राष्ट्रपतिसँग सेटिङ मिलाएर गरिरहेको बताए । उनले संसदमा आएर कुतर्क गर्नेहरुलाई संविधानअनुसार कोचिङ क्लासको व्यवस्था गर्नुपर्ने बताए ।
उनले अहिले पनि नेपालको संविधान धेरै संकटमा रहेको बताए । उनले अहिलेका गतिविधिहरुलाई सच्याउन नसके प्रतिनिधिसभा लोकतान्त्रिक गणतन्त्रउन्मुख शासन व्यवस्थाको लागि निर्माण भएको संविधान अन्तिम हुने बताए ।
उनले भने,‘कुतर्क गर्नेलाई नेपालको संविधानअनुसार राम्रोसँग कोचिङ क्लासको व्यवस्था गरेर सिकाउनु पर्छ । आजपनि बाघले मान्छेको शिकार गर्न झम्टिएझैँ, बकुल्लाले माछा, बिरालोले दुध ढुकेझैँ अहिले पनि नेपालको संवैधानिक व्यवस्थामाथि च्यात्न, ध्वस्त गर्न नेपालका पूर्वप्रधानमन्त्रीको नाम सबैलाई थाहै छ, उहाँले ढुकेर बसिरहनुभएको छ, यस्ता व्यक्ति संसदमा जबर्जस्ती भयो भने नेपालको संविधान च्यातिन सक्छ।’