ताली बजाउन नबोलाउनु मलाई
थाली बजाउन नबोलाउनु मलाई !
घोचो हुँ बाली जोगाउने बारको
बाली बजाउन नबोलाउनु मलाई !
सयपत्र फूलको मालो म होइन
मञ्च सजाउन नबोलाउनु मलाई !
छातीमा देश नहुनेले लेखेको
गाना भजाउन नबोलाउनु मलाई !
तिम्रो लाज छोप्ने न त टालो नै हुँ
इज्जत बचाउन नबोलाउनु मलाई !
छ कि थाहा छैन ? म पाचक होइन
खाएको पचाउन नबोलाउनु मलाई !
सिटामोल हुँ म सकिने खाएपछि
बिरामी बचाउन बोलाउनु मलाई !
अर्जुन पराजुली ।
प्रतिक्रिया