कात्रोमा खल्ती हाल्नेले भन्छ, कात्रोमा खल्ती हाल्नेसँग बदला लिनुपर्छ….
चुनावमा
चोरेले भन्छ
चोरलाई चुनाव जिताउनु हुँदैन
भ्रष्टाचारीले भन्छ
भ्रष्टाचारीले पानी पिउन पाउनु हुँदैन
कात्रोमा खल्ती हाल्नेले भन्छ
कात्रोमा खल्ती हाल्नेसँग बदला लिनुपर्छ
बलात्कारीले भन्छ
बलात्कारीलाई फाँसी दिनुपर्छ
प्रतिगमनको डँढेलो लाउने डँढेलो व्यपारीले भन्छ
डँढेलो व्यापारीलाई धूलो चटाउनुपर्छ
राष्ट्रियता भन्दै
राष्ट्रि उता गर्नेले भन्छ
देशको माया नगर्नेलाई थानकोट कटाउनुपर्छ
हामी आफ्नु आँखामा
उनीहरुको लँगौटीको पट्टी लाउँछौं र,
पट्टीको पछिपछि ताली लाउँछौं
आफ्नु मुखमा घाँसको बोट हाल्छौं, र
उनीहरुको चुनाव चिन्हमा भोट हाल्छौं !!!
अर्जुन पराजुली ।
