आँगनमा निस्केर छिमेकीले सुन्नेगरी
धारामा पानी आएन किन भन्नुपर्यो ?!
ऋणको व्याज कति लाग्यो भन्दै
दिनका दिन औंला भाँचेर गन्नु किन पर्यो ?
बिरामी हुँदा सिटामोल पाइन,
पाइएन त पाइएन, भन्नु किन पर्यो ?!
खेती लाउने बेलामा मल पाइँदैन
सबैलाई थाहा छ, बढी जान्ने बन्नु किन पर्यो ?!
नेताले आफन्तलाई बनायो त बनायो
आफैंले बनाएको नेता हैन ?! बनायो भन्नु किन पर्यो ?!
देशभन्दा अग्लो भ्युटावर नै बनिसकेपछि
देश बन्नु किन पर्यो ?!
अर्जुन पराजुली ।
प्रतिक्रिया