‘चोलेन्द्रसमशेरजी ! निवेदन छ, भिडेर बस्नोस्, देशको प्रधानन्यायाधीश बारम्बार पराजित हुनुहुन्न’



केशवप्रसाद भट्टराई ।

महाभियोगको सामना गरेर  संसदमार्फत न्याय प्रणालीमाथिका  सवैका अनैतिक कालाकर्तुत राष्ट्र समक्ष राखेर मुलुकमा  स्वच्छ न्याय व्यवस्था निर्माणको ढोका खोल्ने ऐतिहासिक भूमिकाको लागि तयार रहनुहोस चोलेन्द्रजी !

१. दीपकराज जोशी र  गोपाल पराजुलीमाथिको तपाइँको  व्यवहार हेर्दा हुन त तपाइँलाई खुचिङ्ग भन्नु पर्ने हो तर भन्दिन !
तपाइँ पदको मर्यादा र गरिमा  अनुरूप स्वच्छ र इमान्दार पनि नहुनुहोला,
सम्माननीय चोलेन्द्रसमशेरजी !
तर निवेदन छ, भिडेर बस्नोस्, देशको प्रधानन्यायाधीश बारम्बार पराजित हुनुहुन्न ।
देशको प्रधानन्यायाधीशले बारम्बार  यो र त्यो किसिमले जोशी र पराजुलीको नियति बेहोरेर पराजित हुनुहुन्न ।

२. सम्पूर्ण प्रणालीमा सुधारको शर्तमा बाहेक अर्को त्यस्तै व्यक्तिलाई बाटो खोलिदिन,
कसैको प्रधानन्यायाधीश हुने पालो छिटो बनाइदिन मात्रै छोड्नु हुन्न चोलेन्द्रजी
आउँछ भने महाभियोग आओस !
संसदमा हुने बहसमा सवैको पोल खोलिदिनोस ।
स्पष्ट कुरा जस्ताको तस्तै राखिदिनोस ।
सबैका काला कर्तुत उदाङ्ग होउन  ।
त्यसले  न्याय क्षेत्रलाई  भ्रष्ट बनाउने धेरैको मुटुमा अहिले देखिनै  ढ्यांग्रो बज्न शुरू गरोस् ।
अनि मात्रै देशले न्यायपालिकामा सुधार ल्याउन सवल प्रयत्न गर्दछ । यो हुन्छ देशलाई र न्याय क्षेत्रलाई तपाइँको योगदान ।

३. मैले रोजेको न्यायाधीशले मेरो मुद्दा लड्नु पर्छ भन्ने वकिलहरू । आफ्ना समकक्षी न्यायाधीशहरु बसेको इजलासमा हामी बस्दैनौ  भनेर अदालतमा सामूहिक राजनीतिक गूट बनाउने  न्यायाधीशहरू । न्यायाधीशहरूलाई सडकमा आउन अपिलगर्ने पूर्वन्यायाधीशहरू  । फैसला लेख्ने महान र सक्षम न्यायाधीश एउटा–एकदिन अघि मात्र फैसला पढेर हस्ताक्षर गर्ने चोलेन्द्र शम्शेरले मन्त्रालयमा भाग खोजे होलान कि लेख्ने र मिलाउनेहरुले–त्यसबारे सत्य तथ्य केलाउन नसक्ने अनि सडकको खपथकोलागि  समाचार बनाउने समाचार व्यापारीहरू,
दलको कोटामा भागबण्डामा  परेर सर्वोच्चमा पनि दलीय गठबन्धन खडा गरेर राजगर्न  खोज्ने छाडा र अराजक न्यायाधीशहरूको दवावमा,
ती वकिल, न्यायाधीश र तिनलाई बोक्ने मिडियाहरुले चलाएको दुष्प्रचारको भरमा भाग्नुभयो भने तपाइँलाई दुनियाँले कायर र दोषी बुझ्दछ चोलेन्द्र जी  !
तपाइँ गलत सावित हुनुहुन्छ  । पुनः आग्रह छ,  नभाग्नुस् ! शिखण्डीहरूसँग  पराजय स्वीकार नगर्नुहोस् !
पर्छ भने महाभियोगको सामना गर्नोस् ! अहिले देखिनै लेख्न र लेखाउन थाल्नुहोस् आफ्नो वयान !
न्यायिक क्षेत्रमा भ्रष्टाचार छ  तर त्यो भ्रष्टाचारमा राजनीतिक क्षेत्र झन् नाङ्गो छ , त्यसले  न्याय क्षेत्रलाई  भ्रष्ट बनाउने धेरैको मुटुमा अहिले देखिनै  ढ्यांग्रो बज्न शुरू गरोस् ।

वकिलहरू विचौलिया छन् अनि  गजेन्द्र हमाल जस्ता इमान्दार र त्यागी नेतालाई बलीको बोको बनाएर न्यायालयमाथि आक्रमण गर्ने कुत्सित षड्यन्त्रको एकएक कुरा बाहिर आउनुपर्दछ प्रधानन्यायाधीशज्यू ! आफ्ना विगतका गल्ती पनि स्वीकार गरेर अरूका गल्तीलाई नांगेझार पारेर राष्ट्रको सेवा गर्ने अमूल्य अवसर नगुमोस् ! साहस गर्नुहोस् !  न्याय गर्नुहोस् आफ्नो नाऊ पछाडिको जबरालाई !   नमस्कार !

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
नौ मुलुकबाट आउने यात्रुलाई प्रवेश अनुमति नदिने सरकारको निर्णय

काठमाडौँ । सरकारले कोभिड–१९ को नयाँ भेरियन्ट ओमिक्रोनको सङ्क्रमण देखिएका अफ्रिकासहितका नौ मुलुकबाट

राष्ट्रपतिद्वारा मंसिर २८ गतेका लागि संसद अधिवेशन आह्वान

काठमाडौं । राष्ट्रपति विद्यादेवी भण्डारीले मंसिर २८ गते संसद अधिवेशन आह्वान गरेकी छन्

भारतमा पनि फेला पर्‍यो कोरोनाभाइरसको ओमिक्रोन भेरियन्ट

दक्षिण भारतको कर्नाटक राज्यमा दुई जनामा कोरोनाभाइरसको ओमिक्रोन भेरियन्ट फेला परेको पुष्टि भएको

कोरोना संक्रमणबाट ६ जनाको मृत्यु, २०१ जना संक्रमणमुक्त

काठमाडौं । नेपालमा पछिल्लो २४ घण्टामा थप २९८ जनामा कोरोना संक्रमण पुष्टि भएको