लिलाम बढाबढमा कुख्यात अमेरिकी गुन्डा नाइकेका सामान ३० लाख डलरमा बिक्री



कुख्यात अमेरिकी गुन्डा नाइके अल कुपोनका सरसामान सङ्ग्रह ३० लाख अमेरिकी डलरमा विक्री भएको छ । यसै सप्ताहान्त क्यालिफोर्नियामा भएको एउटा लिलाम बढाबढमा ती सरसामान विक्री गरिएको हो ।

अल कुपोनका करिब १४७ सरसामानमा बन्दुकदेखि उनका निजी तस्वीरहरू, गरगहना तथा फर्निचर थिए । ‘बदनामीको एक शताब्दीः अल कुपोनका सम्पत्ति’ नाम दिइएको लिलाम बढाबढ कार्यक्रम एउटा निजी क्लबमा गरिएको थियो । लिलाम बढाबढमा करिब एक हजार क्रेताहरू सहभागी भए । सबैभन्दा मन पराइएको सामानको रूपमा कुपोनको बन्दुक रह्यो जुन आठ लाख ६० हजार डलरमा विक्री भयो र।

द शिकागो ट्रिब्युन पत्रिकाका अनुसार २०औँ शताब्दीको एउटा बन्दुक सबैभन्दा उच्च रकममा विक्री भएको ठानिएको छ । अल कुपोन शिकागोका गुन्डा नाइके थिए जो सन् १९२० को प्रतिबन्धात्मक समयमा अपराधको दुनियाँमा ’पब्लिक इनेमी नम्बर वान’ अर्थात् जनताका एक नम्बरको शत्रुका रूपमा चिनिन्थे । अन्ततः उनी करछलीको अभियोगमा जेल जानुपर्यो र उनले अलकुट्राज कारागारमा थुप्रै वर्ष बिताए ।

अल कुपोनले प्रयोग गरेका सरसामान उनको मृत्यु भएको करिब ७५ वर्षसम्म परिवारसँग रह्यो । सन् १९४७ मा उनको मृत्यु भएको थियो । अल कुपोनका तीन जीवित नातिनीमध्ये एक डिआन क्यापोनीले आफू र बुढ्यौली लाग्न लागेका आफ्नी दिदीहरूको सल्लाहमा ती सरसामान विक्री गरेको समाचार संस्था रोयटर्सलाई बताइन् ।

उत्तरी क्यालिफोर्नियास्थित आफूहरूको घरमा जङ्गली जनावरहरूको आक्रमणको बढ्दो जोखिम पनि ती सरसामान बेच्नुको एउटा कारण भएको उनले बताइन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
म्यानमारका सेना प्रमुखलाई आसियानको शिखर बैठकमा सहभागी नगराइने

म्यानमारमा गएको फेब्रुअरीमा सत्ता हत्याएका सैनिक जनरललाई यसै महिनाको अन्त्यमा हुने एउटा वार्षिक

किताव र पूर्वाग्रह

डा. गोविन्दशरण उपाध्याय । कितावहरू अनुभव र स्मृतिको अक्षरीय रुपान्तरण हुन् । अक्षता

रुसमा एकैदिन कोरोना संक्रमणबाट एक हजार भन्दा बढीको मृत्यु

रुसमा कोरोनाभाइरस महामारीको शुरुवातपछि पहिलो पटक २४ घण्टामा १ हजार भन्दा बढीको मृत्यु

काबुल हमलाको सुरक्षा परिषद र पाकिस्तानद्वारा निन्दा

अफगानिस्तानको कान्दाहार शहरमा रहेको एक मस्जिदमा शुक्रबार भएको बम विस्फोटको पाकिस्तानले कडा शब्दमा