एकतावादी तपाईंहरु बच्चा होइन साल बन्नु भो !



डा. युवराज संग्रौला ।
उहाँहरुले नाटक बन्द गरे हुने । जता मन लाग्छ त्यता जानुहोस्, नाटक बन्द गर्नुहोस् । युवा नेतृत्व कम्युनिस्ट र कांग्रेस दुवैमा विकास होस भन्ने चाहेको हो देशले र पार्टीहरु नफुटुन् भन्ने पनि चाहेका हुन जनताले । एमाले फुट्यो, मानिसहरुले नचाहँदै पनि। यो फुट्नुमा अहिले तटस्थवादीहुनेको भूमिका सानो छैन। स्वयम् तपाइँहरुलाई थाहा छ। तर तपाईँको सिद्धान्त के हो देखिएन । पदमा बस्ने, भोलि पनि माननीय हुने, मन्त्री हुने, मौका परे दन्काउने। सबैलाई थाहा छ एकताका नाममा भैरहेको स्थान सुरक्षाको बार्गेनिङ ! थोरै, यो जनता र देशका लागि हो !

१. हिजो पार्टी फुटाउन प्रेरित गर्ने, बुढा नेतालाई हौस्याउने तपाईंहरु होइन ? नेपाल–खानालले ठिक गरे गरेनन् इतिहासले मूल्यांकन गर्छ । उनीहरुले गलत गरेको लाग्छ भने तपाईँहरु चुपचाप एमालेमा बस्नुहोस् न । के तपाईंहरुलाई नेपाल खनालले धम्क्याए ? त्यसो हो भने पुलिसमा जाहेरी दिनुहोस् ।

२.थाहा छ तंपाईंहरुले आफ्नो हैसियत के बनाउनु भयो ? अब एमालेमा जाँदापनि गुट यथावत रहन्छ तपाईंका कारणले । तपाईंहरु अर्काेतिर जानुभयो भने पनि गुट बन्छ । तपाईंहरुको हैसियत त बच्चा जन्मिदा सँगै निस्कने सालको जस्तो भयो । कहिले कहिले बच्चा जन्मेपछि यसले ननिक्लिए आमा मार्छ। तर निक्लिए पनि यो फ्याँकिन्छ। तपाईंहरु बच्चा होइन साल बन्नु भो ।

३. नेपाल–खनालको मूल्यांकन इतिहासले गर्छ। ओलीको मूल्यांकन पनि इतिहासले गर्छ । इतिहास नियन्त्रणमा राख्ने ताकतवर अहिलेसम्म देखिएको छैन संसारमा । कम्तीमा राम्रो नराम्रो जे भएपनि उनीहरुमा निर्णय गर्ने आँट त रहेछ। जे गरे गरे। तर विचारका कुरा होइन रहेछनी तपाइँहरुको ! एउटा उतर दिनुहोस् एमाले ब्रान्ड हो वा विचार ? ब्रान्ड हो भने के को अल्टिमेटम, खुरुक्क नेपाल खनाल छोड्नु होस् । तपाईंको विचार मिल्दैन भने ओली छोड्नुहोस् । देश संकटमा भएकाबेला नागरिकलाई सहयोग गर्नुहोस् । तर त्यसो होइन तपाईंहरु आफना स्वार्थ सिद्ध गर्न राजनीति झन् झन् गिजोल्दै हुनुहुन्छ । अब तपाईंका हातमा केही छैन।

यो बिग्रेको राजनीतिलाई बिर्सेर बसेको मलाई तपाईंका वाइयात राजनीतिको बारेमा पत्रपत्रिका सामाजिक संजाल र टिभी हेर्दा दिक्क लाग्यो । अब त सकियो कि भनेको फेरि अल्टिमेटम आएछ तपाईंहरु ठिक अरु गलत छन् भने बोल्सेभिक बनेर देखाउनु होस् न। के प्रष्ट भएको छ भने तपाईंहरु बाहिर देखिएजस्तो ओज भएको भोलि देश चलाउने नेता भएको मानिस होइन । तपाईंहरु बुढाहरुका काँध बसेर गोजीमा लुकेर मन्त्री हुनेहरु हो । देशको राजनीति अझै नगिजोल्नु होस् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
यो पाँच दलीय गठबन्धन देशलाई अस्थीरतातर्फ धकेल्न बनाइएको होः केपी ओली

काठमाडौं । नेकपा एमालेका अध्यक्ष केपी शर्मा ओलीले पार्टीभित्र उन्नतस्तरको एकता रहेको दावी

के यो दोष चोलेन्द्रको मात्रै हो र ?

केशवप्रसाद भट्टराई । १. यिनै मिडिया, यिनै नागरिक समाज, यिनै वकिल मण्डली, यिनै

उडिरहेको विमानबाट बगैंचामा मलमूत्र खसेपछि….

बेलायतको राजधानी लन्डनको पश्चिमतिर पर्ने बर्कशायरका एक व्यक्ति आफ्नो बगैँचामा सुस्ताइरहेका बेला अनौठो

आज एमालेको वडा अधिवेशन, अध्यक्ष ओलीले भर्चुअल माध्यमबाट उद्घाटन गर्ने

काठमाडौं । नेकपा एमालेको दशौँ राष्ट्रिय महाधिवेशनअन्तर्गत आज मुलुकभर वडास्तरका अधिवेशन हुँदैछन् ।