किन गर्छ सचिवालयले प्रधानमन्त्री देउवाको यसरी प्रचार ?
काठमाडौं । प्रधानमन्त्री तथा नेपाली कांग्रेसका सभापति शेरबहादुर देउवाको प्रशंसा गरिएको भिडियो उनको सचिवालयले सामाजिक संजालमा राखेको प्रति पार्टीभित्रैबाट विरोध भएको छ । नेकपा एमालेका अध्यक्ष केपी शर्मा ओली प्रधानमन्त्रीका भएका बेला आउने भिडियो र पोष्टर जसरी प्रधानमन्त्री देउवाको सचिवालयले पनि राख्न थालेपछि त्यसको पार्टी भित्रैबाट विरोध भएको हो ।
कांग्रेस प्रवक्ता विश्वप्रकाश शर्माले यो प्रधानमन्त्रीले काम गर्ने बेला भएको भन्दै राम्रो काम गरेपछि जनता आफैंले भिडियो बनाउने बताएका छन् । उनले भनेका छन्, प्रधानमन्त्रीले काम गर्ने बेला हो यो । उहाँलाई सही सल्लाह र साथ दिने बेला हो । काम राम्रो भए जनता आफैले बनाउने छन् भिडियो , नत्र पार्टीले बनाउला ! पहिले फुल रोपौं, गोडमेल राम्रो गरौं, सुवास प्रकृतिले पछि फैलाउँछ । प्रधानमन्त्रीको सचिवालयको ध्यानाकर्षण गराएको छु ।जय नेपाल ! खोपदेखि भोटसम्मझको यो यात्रा तीन तहको निर्वाचनमार्फत संविधान कार्यान्वयनको अघिल्लो सफलता भन्दा चुनौतीपूर्ण छ । जति चुनौती उतिनै गम्भीरता अपेक्षित हुन्छ ! परिणाम राम्रो दिउँ, प्रचारको कमान्ड सम्हाल्न हजारौं स्वयंसेवी लामबद्द हुनेछन्।’
प्रधानमन्त्रीले काम गर्ने बेला हो यो l उहाँलाई सहि सल्लाह र साथ दिने बेला हो l काम राम्रो भए जनता आफैले बनाउने छन्- `भिडियो´,
नत्र पार्टीले बनाउला !पहिले फुल रोपौं, गोडमेल राम्रो गरौं, सुवास प्रकृतिले पछि फैलाउँछ l `प्रधानमन्त्रीको सचिवालय´को ध्यानाकर्षण गराएको छु l जय नेपाल !
— Bishwa Prakash शर्मा (@bishwaprakash77) August 5, 2021
त्यस्तै कांग्रेस महामन्त्री पूर्णबहादुर खड्काले पनि प्रधानमन्त्रीको सचिवालयको कामप्रति असन्तुष्टि जनाएका छन् । उनले लेखेका छन्, ‘जीवनको हरेक क्षण देश,जनता र लोकतन्त्रका लागि समर्पण गरि जनताका बीचमा स्थापित काँग्रेस सभापति तथा प्रधानमन्त्री आदरणीय शेरबहादुर देउवाज्यूका बारेमा सामाजिक सन्जालमार्फत सुरु गरिएको भिडियो गाईजात्रा तत्काल बन्द गर्न प्रधानमन्त्रीको सचिवालयलाई बिशेष अनुरोध गर्दछु ।’
जीवनकाे हरेक क्षण देश,जनता र लाेकतन्त्रका लागि समर्पण गरि जनताका बिचमा स्थापित काँग्रेस सभापति तथा प्रधानमन्त्री अादर्णिय शेर बहादुर देउवाज्युका बारेमा सामाजिक सन्जाल मार्फत सुरु गरिएकाे भिडियाे गाई जात्रा तत्काल बन्द गर्न प्रधानमन्त्रीकाे सचिवालय लाई बिशेष अनुराेध गर्दछु🌳🙏 pic.twitter.com/A4PypDjcd2
— Purna Bahadur Khadka (@NCPurnaKhadka) August 5, 2021