थप १४२१ जनामा कोरोना संक्रमण, ३४५६ जना संक्रमणमुक्त

काठमाडौं । नेपालमा थप १४२१ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पीसीआर विधिबाट ६६७७ जनाको परीक्षण गर्दा १४२१ जनामा संक्रमण पुष्टि भएको छ । त्यस्तै ४२४९ जनाको एन्टिजेन विधिबाट परीक्षण गर्दा १०२१ जनामा संक्रमण पुष्टि भएको छ ।

पछिल्लो २४ घण्टामा काठमाडौंमा ४५०, भक्तपुुरमा २५ र ललितपुरमा ५३ जनामा संक्रमण पुष्टि भएको छ । त्यस्तै पछिल्लो २४ घण्टामा थप ३४५६ जना संक्रमणमुक्त भएका छन् । त्यस्तै पछिल्लो २४ घण्टामा कोरोना संक्रमणबाट थप ५१ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या ८७२६ पुगेको छ । मन्त्रालयका अनुसार ४२ जिल्लामा ५ सय भन्दा बढी सक्रिय संक्रमित रहेका छन् ।