जुन देशमा नेता र सांसदहरु नै दशैंका खसी बोका जस्तो खरिद बिक्रीका साधन बन्छन् त्यो देशको विकास कसरी होस् !



शारदाप्रसाद त्रिताल ।

सत्तारुढ दलभित्रको किचलोले के के हुन सक्छ र के भइरहेको होला !
१. विगत झण्डै डेढ वर्षदेखि सत्तारुढ दलभित्रको किचलोले देशलाई बर्बादीतर्फ धकेलिरहेको छ । यस बिचमा केन्द्रमा मात्रै नभएर प्रदेश १ बागमती लुम्बिनी गण्डकी र कर्णाली प्रदेशका पार्टी संयन्त्र र सरकारहरु समेत डगमगाए । खरिद बिक्रीका ठुला खेलहरु भए ।

२. सत्तारुढ दलभित्र विवाद बढ्नु भनेको राष्ट्रिय सम्पत्तिको ठूलो दुरुपयोग हुने अवस्था सिर्जना हुनु हो ।

३. यस्तो अवस्थामा-
(क) दलका संयन्त्रहरु भत्किन्छन् । सदस्यहरु गुट उपगुटमा विभाजित हुन्छन् । सरकारमा बहुमत र अल्पमतका खेलहरु शुरु हुन्छन् । दलका सदस्य र सांसदहरुको खरिद बिक्रीको श्रृंखला शुरु हुन्छ । सत्तामा रहेकाहरुले प्रत्यक्ष र अप्रत्यक्ष रुपमा सरकारी ढुकुटीको रकम यस्तो खरिद बिक्रीमा प्रयोग गर्छन् ।

(ख) सरकारमा बस्नेहरु आफ्नो शक्ति बढाउन सरकारी सम्पत्ति दुरुपयोग गर्नमा उद्यत रहन्छन् । सरकारी बजेट रकमको दुरुपयोग बढ्छ । धेरै राजस्व तिर्ने उद्योगी ब्यापारीहरुसँग नाजायज साँठगाँठ बढ्छ, जसले राजस्व छली फस्टाउँछ । फटाहा उद्योगी ब्यापारीहरुलाई राजस्व छुट दिने प्रवृत्ति बढ्छ ।

(ग) डन, माफिया, तस्कर, कालोबजारियाहरुको धन्धा बढ्छ । उनिहरु दलभित्रका गुट उपगुटहरुमा खेल्न थाल्छन् । यस्ता तत्वहरु ‘चिल आयो चिल आयो’ भनेर गाउँलेको आँखा आकाशतिर केन्द्रित गराई चल्ला खाने छट्टु स्यालको जस्तो लुट्ने गतिविधिमा लाग्छन् ।

(घ) दलभित्रका गुट उपगुटहरु पनि यस्ता छट्टु स्यालसँग मिलेर आफ्नो दुनो सोझ्याउनमै व्यस्त हुन्छन् ।

(ङ) विकास निर्माणका ठेकेदारहरु आयोजनामा ढिलाइ गर्न वा गुणस्तरहिन निर्माण गर्न तर्फ लाग्छन् ।

(च) प्राकृतिक स्रोत साधनको अवैध दोहन बढ्छ ।

(छ) जनताले प्रयोग गर्ने अत्यावश्यक वस्तुहरुको मूल्य अत्यधिक बढ्छ । कालो बजारी बढ्छ । गुणस्तरहिन सामग्रीहरुको आपूर्ति बढ्छ ।

(ज) हरेक क्षेत्रमा सिण्डिकेट मौलाउँछ ।

(झ) अन्याय, अत्याचार, व्यभिचार, भ्रष्टाचार जस्ता विकृति बढ्छन् ।

(ञ) समग्रमा देश अन्धकारतर्फ धकेलिंदै जान्छ, जुन अहिले देखिइरहेको छ ।

४. निश्चित रुपमा यस अवधिमा हाम्रो देशमा यस्ता क्रियाकलापहरु धेरै भए र अझै भइरहेका छन् ।

५. यस्तो अवस्थामा गुप्तचर संस्थाहरु, राजस्व अनुसन्धान गर्ने निकायहरु, सम्पत्ति शुद्धिकरण नियन्त्रण गर्ने निकायहरु, बैकिङसँग सम्बन्धित नियामक निकायहरुले प्रयोग भइरहेको रकमको गति मापन र विश्लेषण गर्नु पर्ने हुन्छ ।
तर हाम्रो देशमा यस्ता सबै निकायहरु सरकारको कडा नियन्त्रणभित्र छन् जसले यस्ता काममा निगरानी गर्न सक्तैनन् वा गरिहाले पनि सरकारको विरुद्धमा विवरण सार्वजनिक गर्न सक्तैनन् ।

६. यस्तो अवस्थामा विपक्षी दलहरुले मुद्धा उठाएर खोजिनीति गर्नु पर्ने हो । तर विपक्षीहरु पनि यस्तै गतिविधिमा रमाउने प्रवृत्ति भएका परे ।

७. जुन देशमा राजनीतिक दलका पदाधिकारी र सदस्यहरु तथा सांसदहरु नै दशैंका खसी बोका जस्तो खरिद बिक्रीका साधन बन्छन् त्यो देशको विकास कसरी होस् !
यो हाम्रो लागि दुर्भाग्यको अवस्था हो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
धनी देशले खोप नदिँदा खोप अभियान संकटमा

विश्व स्वास्थ्य सङ्गठन (डब्ल्यूएचओ)ले विश्वव्यापी साझेदारी कार्यक्रममार्फत कोभिड–१९ विरुद्धको खोप प्राप्त गरिरहेका ठूलो

उपत्यकामा आजदेखि निषधाज्ञा खुकुलो, निजी सवारीसाधन जोरविजोर प्रणालीमा संचालन

काठमाडौं । कोरोना संक्रमण कम हुँदै गएपछि काठमाडौं उपत्यकाका जारी निषेधाज्ञा आजदेखि केही

बाढीपहिरोमा परी २० जनाको मृत्यु, २१ बेपत्ता, ८०६ जनाको उद्धार

काठमाडौं । अविरल वर्षाका कारण देशका विभिन्न स्थानमा आएको बाढीपहिरो र डुबानमा परी

केपी ओली पार्टी एकता भंग गर्ने दिशामाः माधव नेपाल

काठमाडौं । नेकपा एमालेका वरिष्ठ नेता माधवकुमार नेपालले कर्णाली प्रदेशका सांसद्हरुमाथि विधान विपरित