जनता अक्सिन नपाएर छटपटिँदै मर्नु जम्मा एउटा सङ्ख्या हो भने चुनावमा कस्ले जित्ने भन्ने कौतुहल र सङ्ख्या हाम्रो जीवन हो !



नारायण गाउँले ।

कस्तो मनै अमीलो हुने !
पत्रकारितादेखि कलाकारितासम्म सक्रिय शोभा केसी भन्ने एक महिला कोभिड़का कारण दिवङ्गत हुनुभएछ । उहाँ केही दिनदेखि कोभिड़का लक्षणले थलिएर घरमा एक्लै भएको बुझियो । आफै चेक गराउन जान नसक्ने गरी थला परेको र घरमैं चेक गर्ने व्यवस्था नरहेको उहाँले केही दिनअघि स्ट्याटस लेखेर बताउनुभएको रहेछ । उहाँको फ्रेन्डलिस्टमा स्थानीयदेखि केन्द्रीय सरकारसम्मका प्रतिनिधि र स्वास्थ्यकर्मीसम्म रहेको जस्तो देखिन्छ । आफन्तले पनि त्यो स्ट्याटस पढेको हुनुपर्छ । तर उहाँ अस्पताल पुग्न सक्नुभएन ।

एक त परीक्षण नै महँगो, पोजेटिभ देखिए पनि यथोचित सल्लाह र व्यवस्थाको अभाव, खर्चिलो उपचार अनि तुरुन्तै हस्पिटल चाहिने भए पनि बेडको अभाव र एम्बुलेन्सबाट हस्पिटलहरू चहार्दा चहार्दै मृत्यु हुने अवस्थाले गर्दा धेरै जोगाउन सकिने ज्यानहरू हामीले गुमाइरहेका छौं । आजै बुटवलका बडाध्यक्षले एक हप्तादेखि बेड नपाएर घरमैं आइसोलेशनमा बसेको र रोगले च्यापेर सास फेर्न गाह्रो हुँदै आएपछि एम्बुलेन्समा एकपछि अर्को हस्पिटल पुग्दासमेत कसैले ठाउँ छैन भनेपछि एम्बुलेन्समैं प्राण त्यागेको समाचार पढियो ।

यो हामी सबैलाई, अझ खास गरी भीड़ जम्मा गरेर विश्व नै छक्क पर्ने गरी समृद्धि आएको भाषण गर्नेहरूलाई, लज्जा र ग्लानिको विषय हुनुपर्ने हो । लाग्छ, हामीले न्यूनतम मानवीय संवेदना पनि गुमाइसकेका छौं र त यस्ता घटनाले न हामीलाई छुन्छ, न शासकलाई । एउटा नागरिक एम्बुलेन्समा सास फेर्न नसकेर छटपटिँदै मर्नु जम्मा एउटा सङ्ख्या हो भने चुनावमा कस्ले जित्ने भन्ने कौतुहल र सङ्ख्या हाम्रो जीवन हो !
उहाँहरूको आत्माले शान्ति पाओस् !

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
माओवादी छाडेर एमाले प्रवेश गरेका दुई मेयरसहित १४ जनप्रतिनिधिको पद रिक्त

काठमाडौं । नेकपा माओवादी केन्द्र छाडेर नेकपा एमाले प्रवेश गरेका दुई मेयर, पाँच

सर्वोच्चको फैसला सरकारलाई काम गर्न नदिने र असफल पार्ने खालको छः प्रधानमन्त्री

दोस्रोपटक प्रतिनिधि सभाको विघटनविरुद्ध सर्वोच्च अदालतमा दायर भएको रिटमाथि निरन्तर सुनुवाइ भइरहेको छ

अमेरिकाको मायामीमा १२ तले भवन भत्किँदा ९९ जना बेपत्ता

संयुक्त राज्य अमेरिकामा एउटा १२ तले भवन बिहीबार भत्किँदा ९९ जना मानिसहरू बेपत्ता

यो कुनै अवसरवादी गठबन्धन होइनः प्रचण्ड

काठमाडौं नेकपा माओवादी केन्द्रका अध्यक्ष पुष्पकमल दाहाल प्रचण्डले संविधानको रक्षा गर्दै संविधानको समयानुकुल