नेकपा एमालेमा माधव नेपाल समूहले तोक्यो प्रदेश इन्चार्ज
काठमाडौं । नेकपा एमालेका अध्यक्ष केपी शर्मा ओलीले एकलौटी रुपमा अध्यक्ष र महासचिवबाहेकको जिम्मेवारी खोसेपछि माधव नेपाल र झलनाथ खनाल समूहले समानान्तर कमिटी विस्तार गरेको छ ।
ओलीले शुक्रबार एकलौटी निर्णय गर्दै नेपाल–खनाल समूहका नेताहरुको जिम्मेवारी खोसेपछि शनिबार बसेको केन्द्रीय कमिटी बैठकले समानान्तर संरचना बनाएको हो ।
बैठकले प्रदेश १ को संयोजनको जिम्मा भीम आचार्यलाई, प्रदेश २ को घनश्याम भुसाललाई, बागमती प्रदेशको अष्टलक्ष्मी शाक्यलाई, गण्डकीको सुरेन्द्र पाण्डेलाई, लुम्बिनी र कर्णालीको जिम्मा युवराज ज्ञवालीलाई र सुदूरपश्चिमको जिम्मा भीम रावललाई दिएको छ ।
त्यस्तै, युवा विभागको प्रमुखमा रघुजी पन्त, विद्यार्थी विभागको जिम्मा गोकर्ण विष्ट, प्रचार विभागमा योगेश भट्टराई र बुद्धिजीवी विभागको जिम्मा प्रमेश हमाललाई दिइएको छ ।
