केपी ओलीले आजको घटनाबाट उहाँबारे रहँदै आएका सबै भ्रमबाट सबैलाई मुक्त गरिदिनु भएको छः नेता भुसाल
काठमाडौं । नेकपा एमालेका उपमहासचिव घनश्याम भुसालले कम्युनिष्ट आन्दोलनलाई विघटन गर्न नदिने बताएका छन् । नेकपाको केपी ओली समूहले अध्यक्ष र महासचिवबाहेकको जिम्मेवारी खोसेपछि सामाजिक संजालमार्फत प्रतिक्रिया दिँदै भुसालले कम्युनिष्ट आन्दोलन विघटन गर्ने ओलीलाई असफल पार्ने बताएका हुन् ।
उनले लेखेका छन्, ‘केही बर्षदेखि मैले ओलीजीको सामथ्र्य भ्याएसम्म उहाँको एक मात्र उद्देश्य कम्युनिस्ट आन्दोलनलाई विघटन गर्नु हो भन्दै आएको थिएँ । उहाँले त्यही गर्दै आउनुभएको छ । आजको घटनाबाट उहाँबारे रहँदै आएका सबै भ्रमबाट सबैलाई मुक्त गरिदिनु भएको छ । त्यसका लागि उहाँलाई धन्यवाद छ । तर उहाँले बुझ्न एउटा कुरा बाँकी छ–कम्युनिष्ट आन्दोलनलाई विघटन गर्न दिइने छैन, उहाँलाई असफल पारिनेछ ।’
