आजदेखि सरकारी कर्मचारी, सुरक्षाकर्मी, जनप्रतिनिधिहरूलाई कोरोनाविरूद्ध खोप

काठमाडौं । सरकारले सरकारी कर्मचारीहरू, सुरक्षाकर्मी, जनप्रतिनिधिहरूलाई आजदेखि कोरोनाविरूद्ध खोप दिँदैछ । स्वास्थ्य तथा जनसंख्या मन्त्रालयका अनुसार आजदेखि फागुन ८ गतेसम्म जिल्लास्थित सबै सरकारी कार्यालय, सार्वजनिक संस्थान, बैंकका कर्मचारीलाई खोप दिइनेछ ।

यस्तै पत्रकार, स्थानीय तहका जनप्रतिनिधिहरू, सीमा सुरक्षामा खटिएका सुरक्षाकर्मीहरू, पहिला छुट भएका स्वास्थ्यकर्मीहरूलाई पनि खोप दिइँदैछ ।

स्वास्थ्य स्वयमसेवक, एम्बुलेन्स तथा शव बाहन चालक, शव व्यवस्थापनमा खटिएका सुरक्षाकर्मीलगायतलाई पनि खोप दिने र यसका लागि देशभरका करिब दुई सय खोप केन्द्रबाट खोप दिइनेछ । खोप बिहान १० बजेदेखि अपरान्ह ४ बजेसम्म लगाइने मन्त्रालयले जनाएको छ ।