झाँक्री पक्राउप्रति बाबुरामको ट्वीटः यो सरकारको काल आएकै हो ?
काठमाडौँ । पूर्वप्रधानमन्त्री बाबुराम भट्टराईले नेकपाकी नेतृ रामकुमारी झाँक्रीको पक्राउप्रति आपत्ति जनाएका छन् । बिहीबार ट्वीटमार्फत पूर्वप्रधानमन्त्री भट्टराईले संविधानले प्रत्येक नागरिकलाई विचार तथा अभिव्यक्ति स्वतन्त्रता दिएको तर राष्ट्रपतिले त्यसलाई उल्लंघन गरेको भट्टराईको आरो लगाएका छन् ।
उनले लेखेका छन्, ‘ओली सरकारले राष्ट्रपतिवारे विचार अभिव्यक्ति दिएकै आधारमा युवा नेतृ रामकुमारी झाँक्रीलाई गिरफ्तार गरेछ ! नेपालको संविधानले प्रत्येक नागरिकलाई “विचार र अभिव्यक्तिको स्वतन्त्रता”दिन्छ!” संविधानको पालन र संरक्षण”गर्नुपर्ने राष्ट्रपतिले नै उल्लंघन गरेपछि किन नबोल्ने? यो सरकारको काल आएकै हो?
राष्ट्रपतिविरुद्ध गालीगलौज र मानमर्दन हुने गरी अभिव्यक्ति दिएको भन्दै प्रहरीले बिहीबार नेतृ भाँक्रीलाई शंखमूलस्थित निवासबाटै पक्राउ गरेको थियो । झाँक्रीलाई महानगरीय अपराध महाशाखा, मीनभवनमा राखिएको छ ।
